U3F1ZWV6ZTQ0MDEyMzU5MzE4MDE3X0ZyZWUyNzc2NjgwMjA0NDQ2Ng==

الهجرة الى موردن مانيتوبا بشروط سهلة بدون حساب بنكي وعقد عمل

  بسم الله الرحمن الرحيم  (

من خلال مدونة أحمد كوداك يتناول هذا الموضوع طريقة الهجرة الى كندا بأسهل قانون للهجرة عن طريق ولاية مانيتوبا الكندية التي تتميز بقانون الهجرة الجديد والمميز للجميع ويتم شرح كل المعلومات من الموقع الرسمي للهجرة الكندية.

نحن نتميز بتوفير هذا التقديم عن غيرنا حيث اننا نبحث بإستمارا عن أسهل الطرق التي تساعدك على السفر الى الخارج. 

 


·        مقاطعة كندية من المقاطعات الريفية واللي مش معنى ريفية يعني هي وحشة

·        بس هي بعيده شويه عن المقاطعات الكبيرة وتعتبر من المقاطعات الصغيرة

·        المقاطعة دي هي مانيتوبا

·        مانيتوبا حالياً عندها نقص في العمالة عشان كده عاملة اكثر من برنامج للهجرة ليها واستغنت عن شروط كتير

فيديو الفرصة وطريقة التقديم



·        انهارده هنتكلم عن اهم برنامجين واللي هم مناسبين مع الكثير مننا

·        في منهم مبيحتاجش خبرة اصلاً وكمان ميزة انه مش مرتبط بعمر معين وهنشوف الاعمار بنتعامل معاها ازاي في النقاط

·        وكمان مش مطلوب حساب بنكي واللي هو بيكون عائق كبير لناس كتير لانك لازم تقدم كشف حساب بمبلغ كبير عشان يضمنوا انك مش رايح تقعد تاخد فلوس على الجاهز

·        ده غير كمان انهم مش طالبين منك عقد عمل زي ما كان بيحصل في البرامج التانيه

·        وده كمان مكانش بيعتبر عائق ده كان بيعتبر مصيبه لكل الناس لان الناس هتقولك طب انا لو عارف اجيب عقد عمل من جهة معينة انا ايه هيخليني افكر واتعب نفسي كتير في برامج الهجرة الصعبه دي

·        عشان كده بقولك ان البرامج دي سهلة نسبياً لناس كتير

·        عندنا برنامجين هنتكلم عن شروطهم وطريقة التقديم عليهم عشان كده عايزك تركز معايا كويس وتجيب كباية شاي كده عشان هنحسب نقاطك مع بعض ونشوف الدنيا ماشيه معاك ازاي

·        وعمتاً متقلقش لو نقاطك مكانتش كامله فإنت عندك فرصه تزودها وهعرفك التركات والحركات اللي بيها هنقدر نزود النقاط ونقدم بسهولة إن شاء الله

·        توكلنا على الله

·        اول برنامج معانا هو اسمه PNP

·        البرنامج ده مبيطلبش منك عقد عمل يكون معاك

·        وكمان مناسب لكل الأعمار لغاية سن 50 سنه

·        كمان مبيطلبش منك تقديم حساب بنكي وانت بتقدم

·        طيب النقاط مطلوبه كام

·        مطلوب منك 60 نقطة من اصل 100 نقطة

·        طيب خلينا كده مع بعض بالورقة والقلم ونحسب نقاطك هتجيب كام ف الليلة دي

·        النقاط متقسمة ل 5 أقسام

·        القسم الأول هو السن

·        لو سنك 18 سنه هتاخد 4 نقاط – لو سنك 19 سنه هتاخد 6 نقاط – لو سنك 20 سنه هتاخد 8 نقاط – لو سنك 21 سنه حتى 45 هتاخد 10 نقاط – لو سنك 46 سنه هتاخد 8 نقاط – لو سنك 47 سنه هتاخد 6 نقاط – لو سنك 48 سنه هتاخد 4 نقاط – لو سنك 49 سنه هتاخد 2 نقطه – لو سنك 50 سنه وأكثر مش هتاخد اي نقاط بس تقدر تقدم برضو. 

_________________

يمكنكم الإطلاع على فرص آخرى مثل

اقوى قانون للهجرة الى كندا فقط 35 نقطة للهجرة - بدون عقد عمل وحساب بنكي

ولاية تازمانيا تفتح أبواب الهجرة إليها بدون حساب بنكى وبدون عقد عمل

التطوع في بطولة كأس العرب قطر 2021

شركات اوروبية تطلب عمال ناطقين باللغه العربية

_________________

·        القسم الثاني هو التعليم

·        لو معاك ماجستير او دكتوراة هتاخد 25 نقطة.

·        لو معاك بكالوريوس هتاخد 20 نقطة.

·        لو معاك دبلوم هتاخد 14 نقطة

 

·        القسم الثالث هو خبرة العمل

·        مبدأياً من غير خبرة تقدر تقدم بس للاسف مش هتاخد اي نقاط بس هتقدر تقدم عادي وتعوض النقاط من اي حاجه تانيه

·        طيب لو انت معاك خبرة لمدة سنه هتاخد 8 نقاط – لو معاك خبرة سنتين هتاخد عليهم 10 نقاط – لو معاك خبرة 3 سنوات هتاخد 12 نقطة – لو معاك خبرة 4 سنوات وأكثر هتاخد 15 نقطة.

 

·        القسم الرابع هو اللغة ومتقلقوش الدرجة في المتناول

 

·        عندك لغة إنجليزية او فرنسيه ولو انت معاك الاتنين هيكون درجاتك اكتر اكيد.

·        بالنسبة للإنجليزي مطلوب منك الأيلتس ولو فرنساوي مطلوب منك TEF  او TCF

·        لو جايب 4 في الايلتس هتاخد 12 نقطة – لو جايب 5 درجات هتاخد 14 نقطة – لو جايب 6 هتاخد 16 نقطة – لو جايب 7 هتاخد 18 نقطة – لو جايب 8 وأكثر هتاخد 20 نقطة.

 

·        القسم الخامس هو التأقلم

·        وده مقصود بيه لو ليك قريب هناك او صديق مثلاً او كنت اشتغلت هناك او حتى درست فدرجتك بتكون من 20 ل 10 درجات

·        يعني عمتاً متقلقش درجته قليله عشان طبعا الشرط ده يكاد يكون مستحيل لينا.

·        بالنسبة للوظائف كتير وهتلاقيهم في صندوق الوصف عشان تقدر تشوفهم وتعرف هل وظيفتك فيهم ولا لا

·        طيب بالنسبة لطريقة التقديم ازاي بقى

·        هتلاقيني سايبلك لينك موقع الهجرة لمنيتوبا هتدخل عليه وتسجل في الموقع بتاعهم وتختار برنامج PNP اللي بنقدم عليه

·        وبعدين هتعمل EOI ودي اللي فيها بتملى بياناتك ومعلوماتك لغاية مايردوا عليك

 

·        طيب عندنا بقى البرنامج الثاني في مقاطعة مانيتوبا

·        البرنامج ده معمول عشان تعد في مقاطعة موردن اللي موجودة في مانيتوبا

·        وده شروطه بتكون اسهل شويه وموجود للأعمار من 21 لغاية 45

·        شروطه ايه بقى

·        اولاً بالنسبة لموضوع اللغه مطلوب منك في الانجليزي ايلتس ولو فرنساوي مطلوب منك TCF

·        الدرجة هتكون 5

·        طيب بالنسبة للخبرة

·        مطلوب منك خبرة سنتين في الوظائف المطلوبة في مدينة موردن

·        طب ايه هي الوظائف المطلوبة في المقاطعه دي

·        الوظائف هي ميكانيكي سيارات – سواق جرار او عربيات نقل – لحام معادن – نجارين – طباخين – نقاشين.

·        في بقى نقطة مهمه دلوقتي عايزك تركز فيها

·        بالنسبه لشهادة الخبرة فيها تركه كده هعرفهالك ممكن تعملها لو مش موجوده معاك وعايز تقدم على المقاطعة باي طريقة وعاجبك البرنامج ومش عايز تضيعه منك.

·        شهادة الخبرة دي مجرد ورقة بيتختم عليها ولما بتسافر محدش بيعملك اختبار في المهنه اللي معاك

·        يعني لو عرفت تتصرف في اي شهادة واي مكتب تعرفه عنده ختم مثلا يخص المهنه دي يقدر يعملهالك وتقدم بيها بكل بساطه.

·        دي كده تركه ممكن تنفعك اي خدمه.

·        طيب ازاي بقى اقدم على المدينة دي

·        هتلاقي لينك الموقع الرسمي للمدينة اول ماتدخل عليه هتلاقي كلمة READY TO APPLY

·        هتدوس عليها هيفتحلك فايل PDF هتعبيه وتبعته على ايميل حكومة مدينة موردن

·        ولما تجيلك الموافقه من المدينة على ايميلك اللي بعت عن طريقة الابلكيشن

·        هتقدم على موقع مقاطعة مانيتوبا على موقع الهجرة الكندية

·        وبكده نكون قلنالكم كل حاجه عن البرنامج الكويس ده والمناسب لكثير من الناس

 

 

البرنامج الاول وهو Manitoba provincial nominee program

 شرح البرنامج من الموقع الحكومي الكندي الرسمي ( من هنا )

كل النقاط لكي تحسبها ( من هنا )

لينك جميع الوظائف المطلوبة فى هذا البرنامج ( من هنا )

لينك التقديم على البرنامج من موقع حكومة مقاطعة مانيتوبا وإدارة الهجرة الكندية ( من هنا )


البرنامج التاني وهو Modern Skilled workers Immigration

 معلومات البرنامج من الموقع الرسمي لمدينة موردن ( من هنا )

شروط النقاط ( من هنا )

لينك التقديم على البرنامج من الموقع الرسمي لمدينة موردن ( من هنا )

سوف تقوم بالضغط علي كلمة Ready to Apply وسوف يتم تحميل الابلكيشن بالكامل علي جهازك في صورة PDF وبعد أن تقوم بملئ الابلكيشن اوفلاين ، سوف تقوم بأرسال الابلكيشن بالأيميل علي ايميل حكومة مدينة موردن الكندية وهذا هو الايميل [email protected]

لينك مؤسسة WES لمعادلة الشهادات في كندا  ( من هنا )

 


                                                                                Sponsor by


تعليقات
ليست هناك تعليقات
إرسال تعليق

إرسال تعليق

الاسمبريد إلكترونيرسالة