U3F1ZWV6ZTQ0MDEyMzU5MzE4MDE3X0ZyZWUyNzc2NjgwMjA0NDQ2Ng==

امتلك قطعة ارض في كندا ب1 دولار فقط بدون حساب نقاط وشرط اللغة

 بسم الله الرحمن الرحيم  (

 من خلال مدونة أحمد كوداك يتناول هذا الموضوع معلومات هامة لخبر تم انتشارة وهو امتلاك قطعة ارض في كندا بمبلغ 1 دولار فقط فما صحة هذا الخبر وهل متاح لكل من يذهب الى هذه الولاية التي تم عرض الاراضي فيها.

 


في الفترة الأخيرة بدات تنتشر فيديوهات ومعلومات عن مدن كندية بتوفر طرق مساعده كتير للمهاجرين ليها زي مثلا مساعدات مالية عشان يبدأوا بيها حياتهم وفي اللي بياخدوا شقق يعيشوا فيها وكذلك.

انهارده جايين نكلمكم عن فرصه جميله جداً ومن نفس شكل الفرص اللي بتقدمها كندا للناس ومعظمنا مبيصدقهاش لانها بتكون اقرب من الخيال.

فرصة انهارده هي ان في قرية كنديه موجوده في نيوبروزك واسمها مكادام القرية دي على لسان العمده بتاعها نفسه مقدمه لاي حد يروح يقعد فيها قطعة ارض مساحتها 1200 متر بمبلغ 1 دولار طبعا الغرض مش الفلوس في الموضوع ده لكن القرية دي بتحاول تجذب الناس ليها لان عدد سكانها فقط 1151 نسمة يعني ميجيش شارع في اي دولة عربية.

وكمان هم عايزين ناس عشان يعمروا القرية دي لانها لسه جديدة وغير كده انهم محددوش جنسية الشخص اللي يقدر ياخد الارض دي ومعنى كده انها متاحة لاي حد يروح هنا بأي طريقة بس شرط الحصول على الارض ده انك تبنيها في خلال سنتين ولو مبنتهاش في خلال السنتين هتتسحب منك ويدوها لحد تاني.

فيديو الفرصة والتقديم



لان زي ماقلت الغرض من الموضوع ده مش انهم يبيعوهالك لا هم عايزين حياة في القرية يعني عايزين تبني وتقعد فيها وطبعا هيعود عليهم من خلال كده ان البلد هتتعمر بالناس واكيد هتدفع ضرائب وكمان اطفالك هيبدأوا يدخلوا مدارس هناك وهتاكل وتشرب وبكل الاحوال بدأت البدل تتعمر بالناس عشان كده هم مشترطين عليك انك متجيش تتسلى وتضحك عليهم لا في خلال سنتين تكون باني البيت بتاعك.

______________________________

 يمكنكم الإطلاع على فرص آخرى مثل

تدريب مدفوع في فنادق 5 نجوم في امريكا مدفوع الاجر RD-FO / FB J-1

فرصة للتدريب في النمسا مع تمويل كبير وراتب 1000$

______________________________

والميزه بقى انهم محددوش ليك نوع البيت ده او مساحته لا الموضوع مفتوح ليك يعني براحتك عايز تبنيه على اي مساحة براحتك انت معاك مساحة 1200 متر وانت بقى واللي تقدر عليه.

الموضوع ده يا جماعه مبيطلبش منك شهادة لغة وحساب نقاط وحساب بنكي والكلام بتاع الفيز بتاعة كندا لان ده مش برنامج من الحكومة الكندية ده مشروع عاملاه قرية للناس اللي معاهم مبلغ معين ويقدروا يبنوا بيوت عندهم.

وبالفعل بدات القري تشوف ناس راحت وقعدت هناك وده بدأ من سنة 2019 بالاخص قبل الكورونا وبداوا بالعل يبنوا الاراضي بتاعتهم.

طيب واحد يقولي هو ايه يخليهم ضامنين اني لما اروح هبني الارض مانا ممكن اسيبها شويه هقولك هم عاملين حساب النقطة دي وعشان محدش يطلع عينيهم ويضحك عليهم هم مشترطين انك تدفع تأمين 2500$ وبمجرد انك تبني البيت هتاخدهم على طول يعني هم مش عايزينهم بس عشان يضمنوا ان محدش يروح ويكسل او يشوف صرفة في الارض لانها طبعاً هتكون بعقد رسمي بتاعتك.

في ميزة هنا بقى هم بيقولولك مش لازم تفضل قاعد طول عمرك هناك لا بمجرد انك تبني البيت لازم تعد فيه مدة سنه وبعد كده ممكن تروح اي مكان تاني انت عايزه.

طب واحد يقولي يعني انا همشي واسيب البيت اللي انا بنيته بفلوسي اقولك لا انت لما يعدي عليه سنه هتقدر تبيعه وفلوسه هتكون بتاعتك مش هياخدوا منها حاجه وده غير طبعا ال 2500$ بتوعك في الاصل اللي هتاخدهم كمان يعني انت تقريبا مش خصران حاجه ولا هم خصرانين حاجه بس هو بيحتاج منك توفير مبلغ عشان تبني بيه في الاول.


طيب طريقة التقديم ازاي على الفرصة دي

هتلاقي فيه طرق التواصل مع عمدة القرية نفسها والايميل وتليفونه وتقدر تبعت ايميل وتتكلم عن نفسك وانك عايز تدخل في الفرصة ده ومستعد ليها.

 

مصدر الخبر ( من هنا )


للتواصل معهم :

رقم عمدة القرية :

Mayor Kenneth Stannix - 506-784-2293


الايميل الذي سترسل عليه طلبك:

[email protected]


موقع القرية ( من هنا )



                                                                                                 Sponsored by

   

                                                   

تعليقات
ليست هناك تعليقات
إرسال تعليق

إرسال تعليق

الاسمبريد إلكترونيرسالة