U3F1ZWV6ZTQ0MDEyMzU5MzE4MDE3X0ZyZWUyNzc2NjgwMjA0NDQ2Ng==

المزايا المقدمة للاجئين من اول يوم بيروح فيه كندا

) بسم الله الرحمن الرحيم  (

هنتكلم عن المزايا المقدمة للاجئين من اول يوم بيروح فيه كندا



اولا معنى اللجوء :

هو ان الشخص بيدور على موطن جديد لتعرضه الى اضطهاد سواء كان ديني او عرقي او توجه سياسي او توجه جنسي, وطبعاً عشان تقدر تعمل لجوء وتتقبل لازم يكون معاك الإثبات ان حصلك الشكوى اللي بتقولها لان المحقق لما يتكلم معاك لو لقى الكلام مش مقنع هيرفض طلبك.

وفي معلومه هنا في ناس ساعات بتستعين بمحاميين بس المحاميين دول مش عشان يخلوك تاخد اللجوء ولو محامي قالك هات فلوس وانا اجيبلك لجوء يبقى بيضحك عليك, المحاميين بتكون وظيفتهم انهم يفهموك الطريقة ويوضحولك طريقة كلامك مع المحقق ويساعدوك في انك تجهز اوراقك اللي بتثبت حالتك, يعني بمعنى اصح هو مساعد ليك انك تدخل على المحقق وانت فعلاً جاهز بس الباقي بيكون دورك.

وطبعاً مش هنتكلم كتير في طريقة اللجوء لاننا عملنالها فيديو مخصوص ولو عايز تشوفه هتلاقيه ظاهر فوق او في صندوق الوصف.

وتنبيه تاني يا جماعه الخدمات دي للي اوريدي حصلوا على لجوء في كندا مش مسافر وكسر فيزا او قطع الباسبور بتاعه او رايح مهاجر ببرامج كندا مثلا ودي معلومات بناء على تجارب اشخاص حقيقيين حصلوا على اللجوء في كندا.

 فيديو المزايا والمعلومات




خدمات والمزايا المقدمة للاجئين :

 

اول يوم

بمجرد وصولك للمطار بييجي ياخدك شخص من الحكومة الكندية ويوديك على السكن المؤقت وانت مبتدفعش اي حاجه فيه وبتقعد فيه اسبوع او اسبوعين او على حسب الفتره المحددة.

ثاني يوم

هيجيلك موظف عشان يعلمك ازاي تروح الاسواق ويعرفك طرق الوصول لاقرب سوق ليك عشان طبعاً تبدأ تشتري اغراضك وحجات بيتك من اكل وشرب ولوازم منزلية وكمان هيعرفك ازاي تتعامل مع الاسواق لان نظام البيع في كندا مختلف عن الاسواق والمحلات العربية بتاعتنا.

ثالث يوم

هيجيلك واحد  يعرفك تتعامل ازاي بالعمله الكنديه اللي هي هتكون جديدة عليك وانواعها لان العملة بتنقسم لاكثر من ورقة منها ( خمسة دولار – عشره دولار – عشرين دولار – خمسين دولار – مئة دولار – الخرده او الحديد ).

اليوم الرابع

هيجيلك موظف يعلمك ازاي تاخد الباص والتاكسي والقطار وازاي تاخد تذكرة في الباص وايه المخالفات اللي ممكن تحصلك لو ماخدتش تذكرة والاماكن اللي تركب منها الباص والقطار وحجات كتير عن المواصلات هتفيدك.

 

يمكنكم الإطلاع على فرص أكثر  مثل

 

 الهجرة الى سسكاتشوان الكندية بدون حساب بنكي وعقد عمل وأقل نقاط ايلتس

اليوم الخامس

طبعاً الدنيا في كندا برد جدا عشان كده هيجيلك واحد يوديك تاخد لقاح اسمه FLU SHOTS وده هيخلي جسمك قادر تستحمل البرد اللي في كندا وكمان هيعملولك فحوصات طبية ويشوف لو انت عندك امراض معينه هيعالجوك ويدولك الادوية اللازمة.

اليوم السادس

بيجيلك الموظف عشان يعملك البطاقات الصحية اللي هو التأمين الصحي وبطاقات البنك وبيتأكد انك بكده جاهز للحياة في كندا

اليوم السابع

بيجيلك الموظف عشان يعرفك المدارس ونظامها واماكن المدارس القريبة منك ولو انت كبير وعايز تدرس انجليزي بيعلموك برضو ازاي تبدأ وفين تاخد الكورسات اللي محتاجها      وفي مدارس خاصة لتعلم اللغه الانجليزية زي مثلاً ESL  ويقيموك على اساس مستواك في اللغه.

طبعا اللغة مستويات عندك من 1 الى 6 لو وصلت لمستوى 4 تقدر ساعتها تقدم على الجنسية الكندية.

بعد كده بيبدأوا يدورولك على بيت تسكن فيه طول حياتك وبيفضلوا يدوروا معاك على انسب بيت لمدة اسبوعين لغاية ما تلاقي البيت المناسب واللي تحس ان هو ده اللي انت عايز تسكن فيه ومناسب كإيجار.

بعد كده لو محتاج اي مساعدات في اي حاجه بتروح منظمة UN وهم بيفيدوك.

 

كل شهر كندا بيدولك 650 $ للشخص الواحد طبعاً لو لوحدك هيقل مبلغ قليل شويه انما لو عائلة هيكون لكل شخص 650$ ولو جمعت كل المبلغ هيكون كويس وبالنسبه للدراسة ممكن تاخد قرض لو عايز تدرس اي حاجه عشان تاخد الشهادة اللي هتشتغل بيها بعد كده وبياخدوا الفلوس دي بعد 6 شهور بعد ما بتبدأ تشتغل.



     Sponsored by

   

                                                   

تعليقات
ليست هناك تعليقات
إرسال تعليق

إرسال تعليق

الاسمبريد إلكترونيرسالة