U3F1ZWV6ZTQ0MDEyMzU5MzE4MDE3X0ZyZWUyNzc2NjgwMjA0NDQ2Ng==

اللجوء عن طريق السفارات او عن طريق المفوضية السامية للاجئين

) بسم الله الرحمن الرحيم  (

هنتكلم عن اللجوء عن طريق السفارات او عن طريق المفوضية السامية للاجئين واللي اسمها UN واللي هي مختصة بالشأن ده وازاي تقدم فيها في مقرها او وانت في بلدك وممكن لو انت روحت سياحة اي دولة تقدم لجوء فيها وكل الطرق التانية.

 


اولا معنى اللجوء :

هو ان الشخص بيدور على موطن جديد لتعرضه الى اضطهاد سواء كان ديني او عرقي او توجه سياسي او توجه جنسي, لو انت قدمت عند المفوضية السامية بمجرد انك تقدم على اللجوء مع UNHCR وتتقبل بتاخد رقم لاجئ ومن بعده بيكون خطوة نقلك لدولة آمنة وتقدر تستقبلك.

وطبعاً عند التقديم ولما يتكلم معاك الشخص اللي معاه بروفايلك لازم يكون معاك ادلة على انك مضطهد عشان يصدقك المحقق وده ساعات بتعرفه لو اتعاملت مع محاميين خاصين بالحجات دي بتتعامل معاهم لو انت بتعمل لجوء وانت هناك في الدولة نفسها.

وفي معلومه هنا في ناس ساعات بتستعين بمحاميين بس المحاميين دول مش عشان يخلوك تاخد اللجوء ولو محامي قالك هات فلوس وانا اجيبلك لجوء يبقى بيضحك عليك, المحاميين بتكون وظيفتهم انهم يفهموك الطريقة ويوضحولك طريقة كلامك مع المحقق ويساعدوك في انك تجهز اوراقك اللي بتثبت حالتك, يعني بمعنى اصح هو مساعد ليك انك تدخل على المحقق وانت فعلاً جاهز بس الباقي بيكون دورك.

 فيديو اللجوء والمعلومات



 

مين يقدر يقدم على اللجوء :

مبداياً كل الناس تقدر تقدم على الجوء واللي يقدروا يثبتوا انهم مضطهدين بالانواع الاربعه اللي قلناها بس ي معايير بيتم الاختيار منهم اسرع ومنهم مثلا إمرأة تحت الخطر ودي اللي هي مثلا بتكون عايشه لوحدها ومعاها اطفال وزوجها متوفي ومعندهاش حد يعولها دي كده اسمها إمرأه تحت الخطر وتعتبر من الحالات اللي ينفع توطينها.

مين تاني تحت الخطر

الاطفال اللي اتعرضوا لحالات اثرت في حياتهم زي الحروب مثلا زي الاعتداءات بكل انواعها.

كمان اللي تعرضوا للتعذيب من كل انواعه إن كان اعتقل او كن تحت ضغط من جهة معينه.

الناس اللي بتمر بأذمة صحية وصعب علاجه في بلده وتكاد تكون صعبه لدرجة انه ممكن يفقد عضو من اعضاء جسمه لاي سبب كان.

كمان الناس اللي عندهم مشاكل او خطر او تهديد في المكان اللي عايشين فيه وهيأثر على حياتهم وممكن يؤدي لقتلهم.

كمان الناس اللي بيقابلوا الاضطهاد لميولهم الجنسية واللي هم مثلا اختاروا المثلية ومضطهدين في البلد اللي عايشين فيها وفي خطر عليهم في البلد دي.

توجد بعض الدول التسجيل فيها بيكون سهل مع المفوضية السامية زي مصر ولبنان والاردن وفي دول بتقدر تقدم عن طريق السفارات نفسها بتاعة الدول اللي عايز تعمل لجوء فيها.

 

ازاي بتتم عملية التسجيل والتواصل :

عملية التسجيل والتواصل انك بتتصل بالمنظمة او السفارة وتاخد موعد معاهم ولما تيجي تروح الموعد بتاخد كل الاوراق الخاصه بيك زي مثلا التقارير الطبيه لو عندك وجواز السفر.

في بعض الدول بيكون التواصل معاهم عن طريق ارسال ايميل ليهم وطبعا انت بتعرف الكلام ده لما تتصل بيهم وتسألهم على طرق حجز الموعد.

 

طيب انا دلوقتي اخدت موعد وروحت, ايه هيحصل لما اروح المفوضية السامية

 

هيقابلك واحد من موظفين المنظمة ويطرح عليك الاسئلة اللي لازم تجاوب عليها بكل مصداقيه وبكل صراحه وتتكلم عن مشكلتك اللي عايز تعمل لجوء عشانها وبكل وتشرحها بإسلوب مبسط وهادي بعيد عن الشكوى والتذمر وكل الاسئلة اللي اتسئلتها دي تحفظها عشان لما يحددوا معاك موعد تاني عشان يتوافق على اللجوء او يترفض وبيفضل قبل ماتروحلهم تكون سائل محامي او شخص خبير بقضايا التوطين واللجوء القانوني.

طيب دي طريقة التقديم لو انت مش في الدولة اللي انت بتطمح في اللجوء فيها.

بس الطريقة الاضمن والاحسن بس مش هقولك الاسهل هي انك تكون في الدولة نفسها اللي انت عايز تعمل فيها لجوء باي طريقة بقى إن كانت سياحة وطلبت اللجوء او رايح بأي طريقة للبلد دي وطلبت اللجوء منهم وطبعاً كل دول العالم تقدر تعمل عندها لجوء.

الطريقه دي بتضمنلك انك مش هتمشي منها بسهولة لانك بتمشي في الاجراءات غير ما انت بتقدم وانت في بلدك وممكن يتوافق عليك بسرعه او بعد سنين لان طبعا في عدد محدد سنوياً لاستقبال اللاجئين في الدول اللي مستعده لاستقبالهم.

مفيش حد بيمنعك انك تقدم على لجوء في بلد معينه بس مثلا لو انت مقيم وبتشتغل في دولة آمنه زي دول الخليج مثلا فإنت فرص قبول ملفك بتكون صعبه لان وضعك كويس وآمن ومستقر ومش محتاج انك تروح دولة تانية لانك اوريدي مش متعرض لخطر او لتهديد وموجود تحت حماية دولة آمنة.

في حالة انك طلبوا منك انك تبعتلهم ايميل في صيغة وطريقة لازم تتكتب بيه الايميل اللي هتتواصل بيه مع المفوضية السامية عشان الموظف اللي بيقرأ طلبي يتابع طلبي ببساطه وسهولة.

لو محتاجين الطريقة دي عايزين نوصل الفيديو ل 500 لايك عشان اتأكد من رغبتكم فيه واكتبولي رأيكم في الكومنتات وانا اعملكم فيديو مخصوص عن طريقة ارسال الايميل ده وتكتب فيه ايه وازاي تقنعهم انهم بقابلوك لان بالذات في الظروف الحالية من الصعب انهم يعرفوا يقابلوك ومعظم الدول اصبحوا يتعاملوا فيها بالايميلات. 



                                                                                                 Sponsored by

   

                                                   

تعليقات
ليست هناك تعليقات
إرسال تعليق

إرسال تعليق

الاسمبريد إلكترونيرسالة