U3F1ZWV6ZTQ0MDEyMzU5MzE4MDE3X0ZyZWUyNzc2NjgwMjA0NDQ2Ng==

اسهل برنامج هجرة الى كندا ولاية يوكون - بدون نقاط وبدون حساب بنكي مع اصطحاب العائلة

   بسم الله الرحمن الرحيم   (

من خلال مدونة أحمد كوداك يتناول هذا الموضوع المعلومات وطريقة التقديم على مقاطعة يوكون والتي بها مزايا عديدة وتسهيلات كبيرة للمهاجرين.



طبعاً زي مانتو عارفين ان مقاطعة يوكون الكندية من المقاطعات البارده واللي عدد السكان فيها قليل, عشان كده الحكومة الكندية بتحاول بإستمرار استقطاب مهاجرين للمقاطعة دي وغالباً بيكون بشروط سهله اكتر من المقاطعات التانية.

-      زي مثلا انهم عاملين برنامج جميل للمقاطعة دي مبيطلبش منك لما تيجي تقدم عليه حساب بنكي.

-   ولا حتى بتحتاج انك تجمع نقاط ودول زي مانتو عارفين انه من اصعب الشروط اللي بنواجههم لما نيجي نقدم على اي هجرة بالذات لكندا, لانهم بيطلبوا حساب بنكي كبير ده غير ان حكاية النقاط دي هي اللي بتوقف اي عملية هجرة لان غالباً مبتعرفش تجمع النقاط اللي طالبينها.

-       ده غير انك تقدر تصطحب عائلتك معاك بكل سهولة ودي برضو من الحجات اللي كلنا بنكون مهتمين بيها وبنطلب توافرها بإستمرار في اي عملية هجرة.

-      مش بس كده لا كمان اي حد بإي عمر يقدر انه يقدم على البرنامج ده لانه مبيشترطش منك سن معين للتقديم يعني مفتوح لكل الأعمار.

-         كمان صاحب العمل اللي بيجيبك في البرنامج ده بيعملك التأمين الصحي وبيدفعلك تذكرة الطيران من بلدك.

-         عقد العمل بتاعك بيكون لمدة سنتين وبعد السنتين صاحب العمل بيقدملك على الاقامة الدائمة اللي بيها بتقعد على طول في كندا.

 




البرنامج ده هيستمر لغاية شهر يونيو 2023 يعني قدامك وقت طويل انك تقدم عليه لو متوفر فيك كل الشروط المطلوبة وهو بيعتبر البرنامج الاسهل من البرامج الكندية التانية.

 

 طيب خلينا نقولكم ايه هي الشروط اللي مطلوب توافرها في البرنامج ده

-         لازم تقعد في المقاطعة دي لمدة سنيتن على الاقل ولو عايز تروح اي مقاطعة تانيه عادي تقدر تروح وتشتغل في اماكن تانيه براحتك.

-         لو معاك ثانوية تقدر تقدم او البكالوريا زي ماعارفينها في دول المغرب العربي او مايعادلهم من التعليم الفني.

-         بالنسبة للخبرة لو المهنه اللي هتشتغلها هي من المهن الحرفية زي مثلا ميكانيكي او لحام او دهان وغيره من المهم الحرفية هيكون مطلوب منك على الاقل 6 شهور خبرة.

انما لو انت بتشتغل مهنه مش حرفية زي مثلا الدكاترة والمهندسين والمحاسبين ووظائف الكبيموتر وغيره من المهن هيكون مطلوب منك خبرة سنه على الاقل.

-         نيجي للشرط اللي بعده واللي هو ناس كتير بتشوفة من اصعب الشروط بس هو انهارده مش صعب ولا حاجه لانه في المتناول وهو شرط شهادة اللغة ان كان انجليزية يعني مطلوب ايلتس ولو فرنسي مطلوب منك شهادة TEF او TCF.

هنقسمهم لقسمين لو انت من المهن الحرفية هيكون مطلوب منك درجة 4 ولو انت مهنتك من المهن الغير حرفية مطلوب منك 6 والناس اللي عارفه امتحان اللغة فهم اكيد عارفين ان الدرجه دي في المتناول مش صعبه اوي.

-         طيب في شرط كمان مطلوب منك اللي هو شرط عقد العمل وهو انك تجيب عقد عمل في مقاطعة يوكون نفسها وطبعاً لو تلاحظو اننا في القناة اليومين دول بننزل فيديوهات كتير عن مواقع بتعرض وظائف وعن طريقها بتحاول تجيب عقد عمل من اي شركة تتواصل معاها, عشان كده احنا هنسيبلك في صندوق الوصف موقع من خلاله هتقدر تبحث عن عقد عمل في مقاطعة يوكون, في شركان بتكون حاطة ابلكيشن في الموقع بتاعها وفي شركات بتعتلهم السيرة الذاتيه بالايميل.

وبالمناسبة احب افكركم اننا كنا عاملين فيديو مهم جداً عن طريقة عمل السيرة الذاتيه بالطريقة الكندية لان زي مانتو عارفين ان مهم جداً انك تقدم السيرة الذاتيه بالطريقة الكندية مش السيرة الذاتية العادية بتاعتنا, عشان كده لو حد محتاج فيديو عمل السيرة الذاتية بالطريقة الكندية يكتبلي في الكومنتات وانا إن شاء الله هحطهوله في الكومنت بتاعه.


 



 في كام شرط لازم يكونوا متوفرين في عقد العمل ده:

- اولهم ان عقد العمل ده يكون من ضمن الوظائف المطلوبة في يوكون وهتلاقوا في صندوق الوصف الوظائف اللي مطلوبة في المقاطعة واللي فيها عجز شديد.

- وكمان يكون العقد ده بدوام كامل مش عمل موسمي بفترة معينة وبعدين ينتهي.

 

طريقة التقديم سهلة

كل اللي عليك انك توفر الورق بتاعك المطلوب وصاحب العمل نفسه هو اللي هيقو بعملية التقديم على البرنامج

 

طيب واحد يسألني لو افرض مثلا انا قدرت اخد فيزا سياحة لاقليم يوكون هل اقدر اقدم وانا هناك على البرنامج ده؟

طبعاً زي مانتو عارفين بمجرد وجودك بس في كندا بأي طريقة في اكتر من طريقة تقدروا تقعدوا بيها فيها والاجابه على السؤال ايوه تقدر تقدم على البرنامج وانت اوريدي هناك وبالعكس هيكون اسهل ليك لانك هتقدي تدور بسرعه على الوظيفة وليها مزايا تانية.


طيب واحد يسألني ويقولي انت قلت اني ممكن اصطحب عائلتي معايا طب هل انا بس اللي بيكون عليا الشروط المطلوبة ولا زوجتي مثلا بيكون مطلوب عليها شروط معينه؟

الشروط بتنطبق على اللى عامل البروفايل باسمه ان كنت انت او زوجتك اللي مقدمة واللي بيكون معاهم بيكون مرافق يعني مش عليه اي شروط مطلوبة.


طيب واحد برضو يسألني ايه هو الحد الأدني للرواتب في الاقليم ده؟

الحد الادنى عمتاً في المدن الكبرى في كندا بيوصل 18 $ انما في الاقليم ده حوالي 15$ في الساعه.


 المواقع التي تم شرحها

أفضل مواقع البحث عن عمل في مقاطعه يوكون بالتحديد ( من هنا ) 

افضل مواقع البحث عن عمل فى كندا عامة بما فيهم مقاطعه يوكون

( الموقع الأول )  ( الموقع الثاني )  ( الموقع الثالث )  ( الموقع الرابع )  ( الموقع الخامس )  ( الموقع السادس )

الموقع الرسمي لأداره الهجره الكنديه وشرح كامل لنظام الهجرة الى يوكون  

( من هنا )

الموقع الرسمي الخاص لحكومه يوكون ( من هنا )

قائمة الوظائف المطلوبه من موقع وزارة الهجرة الكندية ( من هنا )

الوظائف اللي فيها عجز داخل يوكون ( من هنا )

 ______________________________


    للإستشارة والتواصل مع وكيل هجرة معتمد من الهجرة الاسترالية Migration Advisor

وكيل هجرة معتمد من الحكومة الاسترالية برقم 1799648

قم بتعبئة بياناتك الصحيحة في نظام الهجرة الذي تبحث عنه وسيتم التواصل معك


Skilled Migration  هجرة الكفاءات والمواهب ( من هنا ) 

           Family Visas

تأشيرات الزواج أو الخطوبه ( من هنا )

          تأشيرات العائلة (الوالدين، لم الشمل، الاطفال، الزياره العائليه) من هنا

Education  الهجرة عن طريق التعليم في استراليا ( من هنا )

Refugees  هجرة اللجوء  ( من هنا )

 

 

    للإستشارة والتواصل مع شركة PTE PEAK 

للتواصل مع PTE Peak، واحد من افضل مراكز التدريب اونلاين على اختبار ال PTE Academi

واختبار ال NAATI CCL

 

للتواصل عن طريق الواتساب ( من هنا )

للتواصل عن طريق ال Facebook:( من هنا )

للتواصل عن طريق Instagram  ( من هنا )

رابط الموقع ( من هنا )



Sponsored by

   

                                                   

 



تعليقات
ليست هناك تعليقات
إرسال تعليق

إرسال تعليق

الاسمبريد إلكترونيرسالة