الحصول على التدريب المهني في المانيا مدفوع الراتب وهو اسهل طريقة لدخول المانيا

) بسم الله الرحمن الرحيم (

من خلال مدونة أحمد كوداك يتناول هذا الموضوع طرق الحصول على رخصة مزاولة المهن في المانيا والتي من خلالها تستطيع السفر الى المانيا.

قبل ما تفكر تشتغل في الدول الكبيرة زي مثلاً المانيا لازم يكون معاك حاجه اسمها رخصة مزاولة مهنه او التدريب المهني واللي اسمها اوسبيلدونج ودي بتنطبق على كل المهن في الدول الكبرى وده بيكون كإثبات انك عندك علم بالوظيفة دي, عشان تشتغل في المانيا لازم يكون معاك تدريب مهني الاول مدته سنتين او تلات سنين عشان تعرف تاخد رخصة مزاولة اي مهنه وتشتغل بيها في المانيا.

يعني انت بتروح المانيا بتدرب في اي مجال لمدة سنتين او تلات سنين وبعد كده بتشتغل فيه وطبعاً خلال المدة دي بيكون ليك مرتب ساري عادي بيبلغ اقل حاجه 1000 يورو وده اثناء التدريب بتاعك وفي مجالات بتوصل لاكثر من 3000 يورو شهرياً.

تقدر تقدم على التدريب المهني ده وانت خارج المانيا عادي يعني مش لازم تكون في المانيا عشان تقدم على التدريب المهني ده.

طيب خلينا نعرف ايه الشروط المطلوب للتدريب المهني ده

- اولا لازم يكون معاك شهادة دراسية من بلدك الام ولازم تكون معترفة من المانيا.

طيب ازاي الشهادة بتاعتي اعتمدها من المانيا؟

هتبعت شهادتك بالبريد لموقع المانيا متخصص في اعتماد الشهادات وهتلاقي الموقع في صندوق الوصف.

ليها رسوم هيكونوا 120 يورو.

- الشرط التاني انك تحصل على قبول من اي شركة او مؤسسة المانية للتدريب في المهنه اللي انت عايز تشتغل عليها, وتبعتلك تأكيد انها موافقة انك تدرب عندهم وبعد كده يبعتولك جواب القبول وتروح للسفارة تقدم على التأشيرة.

طبعاً حد هيقولي ابحث ازاي عن الشركات والجهات دي

هسيبلكم في صندوق الوصف الموقع الرسمي اللي بهتبحث من خلاله على الجهات اللي بتوفر تدريب مهني لتخصصك, هتبعتلهم ايميلات وهتحط فيه السيرة الذاتيه بتاعتك وخطابات التحفيز وطبعاً يكون باللغة الالمانية.

طيب عشان تعمل الخطوه دي لازم تعرف الاول المجال اللي يناسبك وعايز انك تدرب عليه وتشتغل عليه بعد كده, وكمان تشوف المكان اللي عايز تدرب فيه بعد كده بس طبعا لازم يكون معاك سيرة ذاتيه كويسه تعرف تتواصل بيها مع الجهات دي, بس طبعاً هتحول السيرة الذاتيه للالمانية, كمان تعمل خطاب تحفيز يكون مقنع وطبعاً خطاب التحفيز ده اللي انت بتتكلم فيه عن نفسك وايه طموحاتك في المستقبل والوظيفة دي هتفيدك ازاي وهتعملك ايه وانت هتقدر تنميها ازاي وتطور المكان اللي هتشتغل فيه واحنا كنا عملنا قبل كده خطابات تحفيز لو حد عايزها يعرفنا واجيبله الفيديو.

اصحاب العمل اللي هيوافقوا عليك من خلال السيرة الذاتيه بتاعتك وخطاب التحفيز هيكونوا عايزين طبعاً يتواصلوا معاك ويتكلموا معاك عشان يأكدوا المعلومات ويعرفوا انك جدير بالتدريب عندهم والعمل معاهم, وطبعاً زي مانتو عارفين ان الالمان بيكونوا عايزينك تتكلم الماني معاهم ودي معلومه مش اول مره نقولها وننصح الناس اللي عايزين يسافروا المانيا بيها, عشان كده لازم يكون معاك الماني مستوى A2 عشان تتقبل.

من خلال المقابله دي هيتكلموا معاك على تفاصيل العقد وكام ساعه هتدربها وشوية تفاصيل عن التدريب وبعد ما صاحب العمل يوافق عليك هيبعتلك العقد وموافقة مكتب العمل بالبريد, بعد كده هتاخد الورق ده وتروح السفارة الالمانية عشان تعمل مقابله ويسألوك عن التفاصيل بتاعة العقد ده وتاخد الفيزا.

كل اللينكات المهمه هتلاقيني سايبهالكم

لينك الموقع الحكومي الرسمي للتدريب المهنى واثبات التقديم من خارج المانيا ( من هنا )

لينك الموقع الرسمي لأعتماد الشهادات الدراسية فى المانيا ( من هنا )

لينك البحث عن فرص تدريبات في الشركات الألمانية والمؤسسات والمعاهد الألمانية ( من هنا )

لينك المجالات التي من الممكن أن تحصل علي تدريبات فيها ( من هنا )