U3F1ZWV6ZTQ0MDEyMzU5MzE4MDE3X0ZyZWUyNzc2NjgwMjA0NDQ2Ng==

طرق الولاده في امريكا وشروطها ونصائح لتجنب المشاكل والصعوبات

  بسم الله الرحمن الرحيم  (

من خلال مدونة أحمد كوداك يتناول هذا الموضوع طرق الولاده في امريكا وشروطها ونصائح لتجنب المشاكل والصعوبات.

 



الولاده في امريكا هي اسهل طريقة للحصول على الجنسية الامريكية مهما كانت ظروفك, وابنك اللي بيتولد هناك بياخد الجنسية على طول بمجرد انه اتولد هناك وطبعاً ده بيخلي ابوه وامه ياخدوها.

الطريقة للناس اللي مش معاها فيزا لامريكا بتكون انك بتسافر لامريكا عن طريق السياحة قبل الولاده بفتره وده عشان تتلاشى غلاسة الضباط في المطار وممكن يرفضوا سفرك, بس خليني اوضح حاجه مهمه, مش معنى انك حامل يبقى تاخد نفسك وتحجزي طيارة وتسافري على طول, لا في حجات لازم تكوني عارفاها ومظبطاها قبل ما تسافري.

في طريقتين للولادة في امريكا الطريقة الأولى هي الولاده المجانية من غير ماتدفع اي مصاريف للمستشفى اللي الزوجه هتولد فيها والطريقة التانية هي الولادة اللي بتدفع فيها فلوس للمستشفى, طب ايه الفرق بين الطريقتين واختار انهي طريقة للولاده هناك, يعني هل بتفرق كتير في الاجراءات والجنسية بعدين ولا مجرد شكليات؟

 



خلينا نوضح الطريقتين بس من خلال تجربة بعض الناس الحقيقين وده هيخلينا نعرف اكتر ايه الحجات اللي قابلتهم وهم بيحاولوا يولدوا هناك وهنوصلهالك اكنك انت اللي عملت التجربة بنفسك, بس عايزكم تكونوا صبورين  معايا لاني هقولكم على كل المعلومات وهجاوبكم على كل الأسئلة اللي ممكن تدور في دماغك وكمان شوية نصائح تعملها عشان تضمن ان كل حاجه تمشي صح ومتندمش زي اللي ندموا.

 

علشان حضرتك تولدى في أمريكا الولادة المجانية مش محتاجه اكتر من تأمين طبى يتحمل عنك التكلفه.. علشان واحده تولد على حسابها هناك لازم تكون متجوزه ساويرس مثلا.. خصوصا لو عرفتوا ان تكلفة الولاده الطبيعيه بتدور حوالين 15 الف دولار.. بينما القيصرى وصلت في بعض المستشفيات الى 50 الف دولار من أبو 18 جنيه.

 

اذن متفقين.. تأمين طبى يغطى الولاده هو كل ما تحتاجوه.

 

لو تأمينك دولى.. يبقى انت كده في امان تااااااام.. متعملش اى شيء ومتشغلش دماغك بأى شيء.. قبل ما تسافر رتب مع شركة التأمين بتاعتك.. ولما توصل هناك المستشفى هتعملك كل الإجراءات.

 

ازاى بقى التأمين دولى ولا لا .. وبيغطى ايه ومش بيغطى ايه.. دى تفاصيل تتحقق منها من شركة التأمين بتاعتك قبل ما تسافر.

 

ونصيحة  متسمعش كلام اى حد الا شركة التأمين.

 

تمام كده؟؟

طيب افرض شركة التأمين بتاعتك مش مغطىة أمريكا هتعمل ايه.. صعب اوى انك تتحمل تكاليف الولاده والاقامه مع بعض..

 

اذن الحل انى أعمل تأمين دولى يغطى..

 بعض شركات التأمين بتقولك ان مينفعش تعمله ومراتك حامل فعلا..

 

بس في حل.

حكومة نيويورك بتقدم خدمة تأمين طبى للطوارىء.. حاجه ببلاش متاحه للأمريكان والزوار واللي رايحين سياحة يعني خلينا نقول انه بينطبق علينا الكلام ده .. ده بيكون تأمين طبى شامل مجانى اسمه "Medicaid".. وده بيكون من خلال شركه كبيره هناك اسمها "United Healthcare".

 

ده ملوش اى شرط الا ان يكون معاك جواز سفر.

 

بس كده؟؟

 

اه والله.. بس كده.

 

طب اعمل ايه.. اروح فين.. أكلم مين؟؟ , وهل التأمين ده شغال في كل الولايات؟؟ , وبيتكلف كام؟؟

 

واحده واحده..

ناخد الاسئله من الاخر للأول.. 

·         بيتكلف كام؟؟ ولا مليم.. مجاني تماما

·         هل هو لناس معينه؟؟ لا.. كل الناس.. حتى الزوار.

·         شغال في كل الولايات؟؟ ايوه.. مجرد ما تستلم الكارت.. تقدر تتعامل مع اى مستشفى في أمريكا كلها من أقصاها الى اقصاها.

·         اطلعه ازاى؟؟ اه.. هو ده بقى الكلام.

 

اسهل واسرع طريقه هي انك تروح على مكتب الجاليه العربيه في نيويورك.. هتقابل الست المسئوله عن التأمين ده.. مدام رويدا .. هي شاميه ومتعاونه جدا.. هتساعدك في كل شيء مجانا بدون اى مقابل.. هي موجوده السبت والأحد والأربعاء من 9 الى 5.

عنوان مقر الجاليه اهو..   7111 5th Ave, Brooklyn, NY 11209

 

العنوان ده في شارع 5.. اشهر شوارع بروكلين.. الشارع في منطقه اسمها "Bayridge" في بروكلين (نيويورك).. منطقه كلها عرب ومحلات أكل حلال.. تقريبا هتحس انك في شبرا مش في أمريكا.

 

طيب ايه متطلبات تأمين ال "Medicaid" ده؟؟

زى ما قلت.. يكون معاك باسبور انت ومراتك.. ويكون عندك عنوان.. ده مهم جدا لان كل المراسلات هتجيلك عليه.. من غير العنوان مش هتقدر تعمل اى حاجه.

 

طيب انا هقعد عند حد قريبى.. ينفع كده؟؟

اه ينفع.. بس تخليه يروح لصاحب البيت ويعدل العقد علشان يضيف اسمك عليه.. كده كده لما بييجوا يعملوا التأمين بيستعلموا عن العنوان.. لو ملقوش اسمك.. الابليكيشن بتتلغى اوتوماتيك.

 

قدمت الطلب؟؟

زى الفل.. الحكومه بتوافق عليه وبعد 7 أيام هيوصلك اول ظرف على البيت (نسختين) فيه كل التفاصيل.. متشغلش بالك.. بعد 7 أيام كمان هيجيلك ظرف تانى فيه الكارت بتاع مرات حضرتك وكارت للمولود مكتوب في خانة الأسم "unborn".

 

طيب.. كده تمام يعنى؟؟ خلاص كده؟؟

 

لا لسه. انت محتاج دكتور او دكتوره تتابع معاها الحمل وتدخلك المستشفى وتبقى مسئوله عن الولاده..

 

على فكره.. الولاده في أمريكا لازم تكون طبيعى.. مش بيولدوا قيصرى ابدا الا لو الدكتور شاف ان في خطوره على الام والجنين والأب والمستشفى وأمريكا كلها.. حتى التدخل الجراحى برضه بيكون درجات..

 

نظام فتح البطن ده مش بيحصل هناك الا مره كل 10 قرون مثلا

طيب.. هل في دكاتره مرشحين للتعامل معاهم؟؟

مش فارق.. كلهم زى بعض.. نفس الخدمات هي هي.

طب اعمل ايه تانى؟؟

ولا اى حاجه.. تقعد في البيت.. تصلى وتدعى ان مراتك تقوم بالسلامه وان العيل ينزل سليم معافى..

المستشفى هتاخد منك بيانات الاب والأم.. هيعملولك كل إجراءات شهادة الميلاد.. بعد 8 أيام هتوصلك نسخه اصليه على عنوان بيتك..

 

لو مستعجل.. ممكن تروح مبنى المحكمه تستلمها من هناك بعد يومين بالظبط (وممكن تعمل اكتر من نسخه احتياطاً).. بعد 3 أسابيع هيوصلك رقم الضمان الاجتماعى "Social Security No" على عنوانك.. مبروك .. ابنك بقى مواطن امريكى.

..تقدر بعد كده تعمل جواز السفر عادى جدا.

(س): اسافر امتى؟؟

(ج): كل ما كان بدري كان احسن واضمن.

(س): هو مش شركات الطيران بتمنع ركوب الحوامل؟؟

(ج): اه ولا.. الخوف من ركوب الحوامل هو الخوف من احتمالات الولاده المبكره.. طبيا.. مفيش اى خطر.. انما الشركات مش عاوزه تاخد اى مخاطرات..

(س): طب اعمل ايه علشان اتفادى القلق؟

(ج): خد تقرير من الدكتور اللى حضرتك متابع معاه ان مفيش خطوره من ركوبها الطياره وان معاد الولاده المقترح فاضل عليه وقت اد كده.. ده سهل جدا واى دكتور بيعمله (في مصر والخارج).

(س): بس انا سمعت انهم ممكن يرجعونى من المطار علشان مراتى حامل.

(ج): صعب تحصل وبيكون على حسب الضابط وموده.

(س): امال ايه اللى بنسمعه عن الدخول وان في ناس رجعوها والكلام ده؟؟

(ج): ملهاش قواعد.. في ناس نزلت من الطياره قبل ما تطلع.. اه ده ممكن وكتير.. وفي ناس وصلت هناك وقعدت 4 ساعات محتجزه للاستعلام الامنى.. كده كده الطياره مش بتطلع من بلدك الا لو خدت ال "Ok" من المطار في أمريكا..

(س): طيب هل الميدكيد له عيوب؟؟

لازم بعد الولاده تاخدو الفواتير حتى لو مدفعتش حاجه لان لما بتيجو تجددوا الفيزا بيعرفوا ان ليكم ابن مولود هناك وبيطلب منكم الفواتير ودي اهم حاجه لتجديد الفيزا تاني.

​​

(س): هل اقدر بنفس كارت الميدكيد اروح ولايه تانيه غير نيويورك؟؟

(ج): طالما المستشفى بتتقبل تأمين الميدكيد.. يبقى انت حر.. انشالله تروح القمر.. لو في مستشفى عجبتك.. كلمهم واسأل.. بتقبلوا ميدكيد.. اه.. يبقى روح. في ﻣﺴﺘﺸﻔﻰ . ﺳﻤﻬﺎ . ﻟﻮﺛﺮ ﻓﻰ ﺣﻰ ﺑﺮﻛﻠﻴﻦ . ﻣﺴﺘﺸﻔﻰ ﻣﺤﺘﺮﻣﺔ ﺗﻌﺎﻣﻠﻬﻢ ﺭﺍﻗﻰ . ﻛﺘﻴﺮ ﺷﻐﺎﻟﻴﻦ ﻓﻴﻬﺎ ﻋﺮ ﻣﺴﻠﻤﻴﻦ .

ﻃﺒﻌﺎ ﻣﺘﺎﺑﻌﺎ ﻟﺤﻤﻞ ﺑﺘﻌﻤﻠﻴﻬﺎ ﺑﺮﻗﻢ الميديكيد ﻭﺍﻯ ﺳﻮﻧﺎ ﺍﻭ ﺗﺤﻠﻴﻞ ﺑﺮﺩﻩ ﻋﻠﻰ ﺣﺴﺎﺑﻬﻢ .

 

(س): طب اقعد فين وهصرف كام وهعيش ازاى؟؟

(ج): نيويورك هي غاليه وزحمه.. ولكن لا مفر.. اقل شيء ممكن تلاقيه للسكن هيكون في حدود 2500 دولار شهريا وتقريبا مش اقل من 1000 دولار مصروفات شهريه لو انت ومراتك قررتوا تعيشوا على الجبنه والزيتون.. وصعب اوى اوى انك تلاقى حد يرضى يأجر بالشهر.. كله هناك بيأجر بالسنه. بس لازم تكونوا حاجزين فندق قبل السفر عشان الاجراءات دي لازمه في المطار بامريكا, وكمان يكون معاك مبلغ تصرف بيه هناك.

(س): ممكن مراتى تسافر لوحدها وانا احصلها؟؟

(ج): لو انت واثق انها تقدر تعمل الإجراءات دى لوحدها.. يبقى ابعتها.. الستات هنا لها مكان وتقدير اعلى من الرجاله على فكره.

(س): ليه نيويورك.. وليه بروكلين تحديدا؟؟

(ج): حسب معلوماتى.. تأمين الطوارئ المجانى مش بيطلع الا في نيويورك بس.. كل ولايه هنا لها قانون خاص بيها وكأنها دوله مستقله.

(س): طيب انا مش بعرف أتكلم انجليزى؟؟

(ج): مش أزمه.. وقت الحاجه.. قولهم انا عاوز مترجم.. هيجيبوا مترجم.. ده حقك مش تفضل منهم ولا حاجه . 

==============================

معلومات مهمة للولادة في امريكا

 

·         حجزك حاول ميكونش فترة طويلة يعني 15 ولا 20 يوم و بعدين اجل التذاكر بسهولة و مبلغ بسيط ممكن 100 دولار عالفرد فالرينج دا كانت 

·         متاخدش ورق هارد كوبي عن الحمل خده علي فلاشة و اطبعه هناك لمصلحتك.

·         ميشيغان ولاية من ارخص الولايات لان ضرايبها قليلة و عرب كتييير خاصة عراقيين و فيه لبنان و المصريين موجودين بردوا بكثرة الي حد ما.

·         محامين في ميشيغان بعد نيويورك تعتبر للي عايز يظبط اوضاعه و كفاءات و بيبداوا ب حوالي 3000 نص فالاول و الباقي علي اول جلسة دا كمثال لمحامي.

·         شهادة الميلاد طلعت بعد تلات ايام عمل و الجواز 9 ايام عمل و السوشيال نمبر 15 يوم و تقدر تزود يومين لكل خمس ايام كاجازات سبت وحد مثلا, الموظفة فالمستشفي بتاخد كل البيانات و بتعرفها انك مسافر خلال شهر فبيسرعوا الاجراءات و كله اتنقل بالبريد بس انت بتروح تستلمة بنفسك عشان الوقت.

·         البلد متوافر فيها شقق و فنادق و مطاعم عربي كتيييير و تمتاز بحدايق و منتزهات و بحر و قنوات مياه واتنين بوردر مع كندا لكنها برد بالنسبة لبلادنا و فيه شهور ثلج فالشتا و الصيف روعة و الهدوم و الاغراض ارخص من نيو يورك لفرق الضرايب 

·          نصايح طيارة شراب فقط افضل لعدم حبس الدم او التنميل و مياه كتير و عصير 

 

 

بالنسبة لإجراءات الورق بعد الولادة سهلة جدا لأن المستشفى هما اللي بيبعتوا ورق شهادة الميلاد واحنا بنروح نستلمها بعد ٤ ايام عمل وبعدها بنقدم على الباسبور ونستلمه في نفس يوم التقديم يعني الموضوع كله ٥ ايام

 

ملحوظه: اهم حاجه تاخدوا  حاجه اسمها الزيرو بالانس اللي هي بتثبت ان مفيش اي حاجه عليكم للمستشفى والدكتور يعني بتعتبر زي مخالصة بينك وبين الدولة ان مفيش فلوس عليك.


حتى لو دفعت كل الفلوس واخدت بيها فواتير لازم في النهاية تاخد الزيرو بلانس دي وتتأكد انها تكون للأم والطفل.

 






    للإستشارة والتواصل مع وكيل هجرة معتمد من الهجرة الاسترالية Migration Advisor

وكيل هجرة معتمد من الحكومة الاسترالية برقم 1799648

قم بتعبئة بياناتك الصحيحة في نظام الهجرة الذي تبحث عنه وسيتم التواصل معك


Skilled Migration  هجرة الكفاءات والمواهب ( من هنا ) 

           Family Visas

تأشيرات الزواج أو الخطوبه ( من هنا )

          تأشيرات العائلة (الوالدين، لم الشمل، الاطفال، الزياره العائليه) من هنا

Education  الهجرة عن طريق التعليم في استراليا ( من هنا )

Refugees  هجرة اللجوء  ( من هنا )

 

 

    للإستشارة والتواصل مع شركة PTE PEAK 

للتواصل مع PTE Peak، واحد من افضل مراكز التدريب اونلاين على اختبار ال PTE Academi

واختبار ال NAATI CCL

 

للتواصل عن طريق الواتساب ( من هنا )

للتواصل عن طريق ال Facebook:( من هنا )

للتواصل عن طريق Instagram  ( من هنا )

رابط الموقع ( من هنا )



Sponsored by

   

                                                   

تعليقات
ليست هناك تعليقات
إرسال تعليق

إرسال تعليق

الاسمبريد إلكترونيرسالة