الطرق الشرعية للسفر الى المانيا وطرق الحصول على الجنسية الألمانية

هنتكلم في الفيديو ده عن فيز السفر الى المانيا بأنواعها والطرق الشرعية للسفر الى المانيا وكمان معلومات وطرق الحصول على الجنسية الألمانية

انواع فيز المانيا

في عندنا فيزا الشنغن اللي كلنا عارفينها والفيزا الوطنية

بالنسبه للفيزا الوطنية وهي عشان تدخل المانيا فقط ودي بتكون عن طريق لم الشمل للزوج والزوجة والاطفال وللخطيبة لو هتتجوزوا بعدين.

الفيزا دي تقدر تاخدها فوراً في السفاره بعكس الشنغن اللي بتاخد وقت وشروط كتير.

فيزا الشنغن بتنقسم لانواع كتير زي الزياره والسياحه والتجارة والبحث عن مقعد دراسي وفيزا الدراسة في المانيا وفيزا العمل في المانيا وفيزا البحث عن عمل في المانيا.

ü فيزا الزيارة :

لازم يكون ليك قريب او صديق عشان يعملك دعوه وتاخد فيزا الزيارة مبتعديش 6 شهور وبعدين تغادر البلد لانها غير قابله للتمديد.

ü فيزا السياحة :

شبيهه لفيزا الزيارة من المدة وعدم قابلية التمديد لكنها مبتحتاجش يكون ليك حد في المانيا عشان يبعتلك ويعملك دعوة.

ü فيزا التجارة :

ودي للناس التجار اللي بتروح المانيا في عمل تجاري او شراء حاجه او حتى قطع غيار وبعد كده بيرجعوا بلدهم.

ü فيزا البحث عن دراسة :

دي بتكون للناس اللي بتدور على جامعات يدرسوا فيها واللي عايزين يدرسوا اللغة الالمانية ومدتها 90 يوم وتقدر تحولها لاقامة.

ü فيزا العمل :

بتكون للناس اللي اخدوا بالفعل عقد عمل وهي قابلة للتمديد وقابلة للحصول على اقامة دائمة وبتختلف شروطها على حسب الولايات, زمان كانت بياخدها اكثر اصحاب الشهادات العليا بس دلوقتي اصبح كل الناس حتى اللى معاهم وظائف مهنية او شهادات متوسطة.

ü فيزا الدراسة :

بتكون للناس اللى حصلوا بالفعل على مقعد دراسي في جامعة او دورة تدريبية رسمية معترف بيها, والمانيا تعتبر من أفضل الدول اللي تدرس فيها, وهي قابلة للحصول على اقامة.

ü فيزا العلاج الطبي :

وهي بياخدها الناس اللي رايحه المانيا للعلاج وبيكون معاه مرافق واحد فقط ولازم يحصل على موافقة مستشفى في المانيا والفيزا بتاعتها لا يمكن تمديدها.

خلينا اقولكم على حاجه مهمه عن الفيز اللي قلناها دي, لو حصلتوا على اي فيزا من الفيز دي حتى لو لايمكن تمديدها ورجعت بلدك في الوقت بتاعك فده بيخلي عندك فرصه في التلات سنين القادمة انك تاخد فيزا لاي دولة في الاتحاد الاوروبي بكل سهولة.

معلومات الحصول على الجنسية الألمانية :

Ø المانيا بتدي الجنسي لكل 100 شخص سنوياً.

Ø المانيا لا تعطي الجنسية للمواليد على ارضها, الا لو كان واحد من الابوين معاه الجنسية الالمانية, او كان حد عايش من 8 سنين في المانيا ومعاه الاقامة الدائمة.

Ø لو عديت سن ال 16 تقدر تقدم عليها بنفسك انما لو اصغر من كده لازم تكون مرافق في الاوراق لعائلتك.

شروط الحصول على الجنسية الألمانية :

Ø عشان تحصل على الحنسية الالمانية لازم تكون قعدت في المانيا 8 سنين, وساعات بتقدر تاخد في اقل من كده مع شروط معينة في اللغة والاندماج في المجتمع الالماني.

Ø معنى الاقامة ان الفتره اللي تقعد بيها في المانيا عشان تفضل ال 8 سنين بتتحسب, يعني حتى لو سافرت كل 6 شهور بره المانيا تفضل ال8 سنين بتتحسب.

Ø عشان تاخد الجنسية الالمانية لازم تعدي اختبار الجنسية الالمانية, وده بيكون عبارة عن اختبار بيكون عن اللغة ومعلومات عن المانيا وقوانينها, وهو اختبار بسيط للناس اللي تعرف عن المانيا, بيكون عن عبارة عن 33 سؤال لمدة 60 دقيقة, لو جاوبت على 17 سؤال بتكون ناجح وبعد كده بتاخد النتيجة وتقدمها لدائرة التجنيس عشان يكون اثبات انك تعرف المعلومات المناسبة وتاخد الجنسية.

Ø الشرط اللي بعد كده انك تقدر تشتغل وتجيب فلوس بدون مساعدة من وكالة العمل او غيرها, لكن الحصول على مساعدة نسبياً مفيهاش مشاكل.

Ø الشرط اللي بعد كده ان تكون لغتك الالماني مناسبة وكافية لحياتك اليومية.

Ø الشرط اللي بعد كده ميكونش عندك اي احكام قضائية او جنائية.

Ø الاعتراف بالدستور الالماني.

Ø التخلي عن جنسيتك الأصلية ( ده بيكون لبعض الجنسيات).

دي كلها الشروط اللي لازم تتوفر فيك بعد 8 سنين من العيش في المانيا وبتختلف في عدد السنوات من 6 الى 8 في بعض الولايات.

ممكن تاخد الجنسية بعد 3 سنين لو اتجوزت من المانية او الماني.

الفيديو الجاي مهم جدا لاننا هنعرفك ازاي تضمن تحصل على كل فيزا في يوم المقابلة وهو بيكون عبارة عن مجموعة نقاط هنعرفهالك ونقسمهملك.