اسهل وافضل البلاد التى تسمح بتحويل فيزا السياحة إلى إقامة قانونية

طبعاً زي مانتو عارفين ان في دول كتير بتنفع تروحلها سياحة بس لما تيجي تقول عايز احول فيزة السياحة دي لاقامة بيقولولك لازم ترجع بلدك الأول وبعدين تقدم على فيزا عمل او فيزا دراسة او اي فيزا انت عايزها, وده طبعاً بيسبب ازعاج لناس كتير لانه تعب لغاية ما قدر يروح الدولة دي ووفر شروط كتير كانت مطلوبة منه وبيكون ساعتها نفسه في طريقة تخليه يحول الفيزا بتاعتة لاقامة وهو في نفس الدولة وميرجعش بلده عشان يقدم على غيرها وممكن تترفض في الاخر, عشان كده إنهارده جايين نعرفك ايه أفضل دول اوروبية تقدر وانت هناك سياحة او دراسة تحول الفيزا لاقامة قانونية وتقدر تعيش فيها على طول.

الدولة الأولى ( كندا )

كندا بتسمحلك من بعد ازمة كورونا انك تحول فيزة السياحة بتاعتة لاقامة عمل وده ليه وقت محدد في سنة 2022 وقابل للتجديد وهنتكلم في فيديو مخصص عن طريقة تحويل فيزة السياحة لفيزة عمل, لو مهتم ياريت تعرفني في الكومنتات.

عشان تاخد فيزة السياحة لكندا لازم يكون عندك تاشيرات سياحة قبل كده في دول كتير ويفضل انها تكون اوروبية, يعني عشان يبين انك راجل بتروح دول سياحة وواخد كندا برضو كدولة سياحة مش كسر فيزا.

وبيطلب منك حساب بنكي كإثبات انك قادر على المصاريف هناك وطبعاً ده بيكون من اكثر الشروط اللي بتريحك لانك لما بتقدم كشف حساب كويس بتكون ضامن 80% انك واخد الفيزا لانهم بالتالي هيكونوا مطمنين ليك.

حاجه كمان بتسهلك انك تاخد فيزة السياحة لكدا وهي ان يكون معاك تأشيرة لامريكا سارية وساعتها مبتحتاجش انك تقدم كشف حساب لانك هتروح كندا زي مانت المفروض انك هتروح امريكا.

الدولة الثانية ( الامارات )

الامارات معروف انها من الدول اللي هل انك تاخد ليها فيزة السياحة وكمان ممكن تاخدها اونلاين مبتروحش سفارة ولا حاجه, وهي فيها ميزة انك ممكن تحول فيزة السياحة لو لقيت وظيفة وتعمل حاجه اسمها بدل مغادرة.

الدولة الثالثة ( امريكا )

امريكا بتعتبر من أكبر وأسهل الدول اللي بتقدر من خلالها تحول التأشيرة المؤقته لتأشيرة دائمة زي اقامة عمل او زواج او دراسة.

بتاخد تصريح عمل لغاية ما تحول فيزتك لاي فيزا انت عايز تحول ليها, ولو عايز تشتغل بتاخد تصريح عمل مؤقت عشان تقدر تشتغل في امريكا وتصرف على نفسك لغاية ما تحول الفيزا لاقامة.

وللتذكير انا كنت عملت فيديو بيشرح فيه الاسئلة اللي بتتسألك في مقابلة السفارة الامريكية وازاي تجاوب عليها ونصايح مهمة جداً لاي حد مهتم بفيزة السياحة لامريكا واللي محتاجه يكتبلي.

الدولة الرابعة ( البرتغال )

البرتغال طلعت قرار انك ممكن تحول فيزة الشنغن لاقامة بشرط انك تجيب عقد عمل في البرتغال, يعني هتدخل البرتغال بالشنغن عادي وتدور على شغل ولو لقيت شغل بتقدر تحول فيزة الشنغن السياحة لاقامة.

طبعاً عشان تروح البرتغال بالشنغن ممكن تقدم مباشرة من السفارة البرتغالية بس في ناس بتحسها صعبة, عشان كده انا كنت عملت فيديو بيشرحلك فيه ايه اسهل دول للشنغن وأسهل سفارات بتقدر تاخد فيزة السياحة منها وتقدر من خلالها تروح اي دولة اوروبية.

الدولة الخامسة ( نيوزيلندا )

نيوزيلندا من الدول اللي لو انت معاك فيزا سياحة ليها بتقدر تحولها لاقامة وبالاخص دراسة اللغة والتخصصات التانية, عن طريق التقديم في ادارة الهجرة النيوزيلندية, والميزة انك لما يكون معاك تاشيرة دراسة بتقدر تشتغل وانت بتدرس.

الدولة السادسة ( الارجنتين )

الارجنتين برضو من الدول اللي معروف عنها انها بتحولك تأشيرة السياحة لتأشيرة عمل او زواج او دراسة, وكمان فيزها ميزه ان لو زوجتك هتولد هناك ابنك هياخد الجنسية, وللعلم ان باسبور الارجنتين كويس وبتدخل بيه دول اوروبية بدون تأشيرة.

اسئلة مقابلة السفارة الأمريكية لفيزا السياحة مع نصائح هامة جداً للقبول من اول مره

https://youtu.be/NPgS-h0ypYw

اسهل 10 دول للحصول على الشنغن لكل العرب

https://youtu.be/Uh2TD-TApTY

الطريقة الصحيحة لعمل سيرة ذاتيه على الطراز الكندي بإحتراف مع صيغ جاهزة للتعديل Canadian CV

https://www.youtube.com/watch?v=tTBw_DCUjwY&t=27s