إيقاف أسهل برنامج للهجرة الى كندا برنامج إكسبريس انتري

تسريب صدر في مذكرة في شهر ديسمبر من وزارة الهجرة الكندية واللي قدرت اجيب نسخه منه عشان اعرفكم بالظبط التفاصيل بتاعته ومهم جداً لاي حد كان بيفكر في الهجرة الى كندا او لأي حد بالفعل قدم في الاكسبريس انتري, التسريب ده يا جماعه هو ان كندا قررت إيقاف قانون الاكسبريس انتري الشهير واللي كان من خلاله ملايين المهاجرين كانو بيهاجرو الى كندا, القرار ده طبعاً صدمة لناس كتير لانهم كانو مخططين ومرتبين ظروفهم انهم يقدموا فيه ويهاجروا من خلاله, طيب واحد مثلاً ممكن ميكونش عارف ايه هو الإكسبريس إنتري فخليني اوضحلكم ايه هو الإكسبريس انتري ده وازاي كان هو الطريق المباشر لكندا.

هو واحد من البرامج التي بتعتمدها الحكومة الكندية عشان تعمل انتعاشة في سوق العمل الكندي بالمهاجرين اللي هم أصحاب الكفاءات والخبرات, وهو برنامج مباشر مع الحكومة الكندية ومبيدخلش فيه أي وسطاء.

التقديم عليه كان من خلال نموذج تقديم مباشر بتوفرة الحكومة الكندية أونلاين في الموقع الرسمي الكندي للهجرة.

يتم قبول جميع التخصصات أو المهارات, حيث أن سوق العمل الكندي يظهر احتياجه لجميع الخبرات الممكنة, ولكن قد يكون هناك أفضليات لمهن أو تخصصات أو مهارات على أخرى.

طريقة العمل بيه

بيتم ببساطة من خلال الاجابة على اسئلة محددة يطرحها عليك الموقع الرسمي الكندي للهجرة

بعد التأكد من أنك مؤهل للقبول في البرنامج, بتبدأ تجهيز الوثائق المطلوبة منك لاستكمال علمية القبول

لما بيحصل ملفك اللي قدمته على عدد كاف من النقاط بيتم ارسال دعوة لك من الحكومة الكندية للتقديم على فيزا دخول, وبعد التقديم يتم التواصل معك لاتمام اجراءات السفر.

وده ذكر في المذكرة اللي صدرت من وزارة الهجرة الكندية قالوا فيها ان السبب ان خلال فترة الكورونا اصبح عندهم فايلات كتير متراجعتش من الموظفين وده طبعاً للإشترطات اللي كانت معمولة بسبب الكورونا ونقص عدد الموظفين, وبالتالي اصبح عدد الفايلات اكثر من المفروض وطبعاً كل سنه بيكون في تقديمات جديدة, ولسبب تاني انهم بيقولوا ان عدد العمالية المهرة زادت عن الحد اللي كان مخطط ليه, عشان كده مش هيحتاجوا انهم يعملوا سحب سنة 2022, كمان سبب ان طبعاً بعد اللي حصل في افغانسات بدأوا يستقبلوا ناس من هناك وده برضو أدى لزيادة الضغط على إدارة الهجرة, عشان كده قرروا انهم يوقفوا السحب في البرنامج ده اقل شئ لفترة 6 شهور لكن من المتوقع انها تزيد وهقولكم ليه بالأرقام.

المزكرة دي كمان بتقول ان اعداد المتقدمين حالياً هم 207000 مترشح في نهاية سنه 2021 ولو قرروا استئناف السحوبات مش هتقل عن 500 نقطة كحد ادنى وهيستمر الارتفاع لمدة 6 شهور. في معلومه هنا خليني اوضحها لبعض الناس, لو مثلا المطلوب نقاط 300 هتكون سهل شويه على المتقدمين انما لو قلنا طلبوا زيادة مستمره فإنت كده كل الطلبات المتوفرة فيك مش هتكون كفاية عشان تجيب النقاط وهتكون محتاج عشان تزود النقاط انك مثلا تكون زورت كندا او ليك حد في كندا, يعني كل ما زادت النقاط كل ما كانت الطلبات صعبه ومش متوفرة فيك, وبكده اتوقع فكره 500 نقطة أصبحت صعبة اد ايه, لان تقريبا هيكون 5% من المتقدمين يقدروا يوصلولها.