U3F1ZWV6ZTQ0MDEyMzU5MzE4MDE3X0ZyZWUyNzc2NjgwMjA0NDQ2Ng==

فيزا العقود الموسمية لبريطانيا من خلالها بتقدر تسافر ليها في 3 أسابيع فقط لكل العرب

أسهل فيزا الى بريطانيا ( العقود الموسمية )

 



بريطانيا أعلنت عن فيزا من خلالها بتقدر تسافر ليها في 3 أسابيع فقط

الفيزا دي هي عقود العمل الموسمية واللي مقدمة لكل الجنسيات بما فيهم العرب.


طبعاً إحنا ياما اتكلمنا عن العقود الموسمية دي وكنا اتكلمنا عنها لايطاليا والنرويج, بس دلوقتى هنكلمك عن اكتر بلد مميزة فيها وهي بريطانيا, لان بريطانيا مسهلة طريقة السفر من خلال الفيزا دي واللي بيها هتقدر تسافر بريطانيا في 3 أسابيع فقط, وده من خلال الموقع الرسمي للحكومة البريطانية.

 

عقود العمل الموسمية البريطانية هي فيزة مؤقته للعمل في أي دولة وفي بريطانيا مدتها 6 شهور يعني هتروح تشتغل في بريطانيا 6 شهور وهيكون كعادة العقود الموسمية في المزارع والحدائق, زيها زي أي دولة تانية عندها العقود الموسمية, ودي بتكون عشان الشركات المختصة تقدر تجيب ناس يشتغلوا موسم في المزارع في أي حاجه بقى هم محتاجينهم يعملوها.

 

وخليني اوضحلكم نقطة

العمل بالعقود ده بيعتبر من أفضل واسرع الطرق اللي بتخليك تروح بريطانيا لانك مبيكونش مطلوب منك شروط صعبة زي طرق الهجرة مثلاً وده زي مثلاً شرط اللغة او شرط السن وكذلك.

عشان كده بتعتبر من أفضل الطرق اللي هتخليك تروح بريطانيا

 



طيب واحد ييجي يقولي هل انا بعد ال 6 شهور دول هرجع بلدي ولا هقدر اكمل؟

العقد الموسمي هو جاي من إسمة إنك هتقعد الموسم وترجع لكن في تركاية هنا.

في ناس بتستغل العقد الموسمي ده إنه يدخل بريطانيا لان زي مانتو عارفين ان طرق الهجرة لبريطانيا صعبه ومعقده عشان كده انت بتنتظر الفرصة اللي بيها تروح بريطانيا, ودي فرصة من الفرص اللي بنستناها.


بتقدر تستغل وجودك هناك في بريطانيا قانوني وخدوا بالكم من قانوني دي لانها بتخليك تعمل كل حاجه براحتك زي مثلا إنك تدور على شغل وتعمل انترفيو مع الشركات اللي انت شايف انك تقدر تشتغل فيها او طالبين مجالك, او حتى لو مش طالبين مجال, او حتى يا عم إغسل صحون, أساساً غسل الصحون في بريطانيا الراتب بتاعه أعلى من راتبك في بلدك ده غير الأوفر تايم والمزايا التانية, وده غير إنه بيكون عقد عمل دائم مش مؤقت زي اللي انت هتروح بيه بريطانيا.

 

بتقدر برضو وانت موجود في بريطانيا تقدم على لجوء وخليني اوضحلكم حاجه ان اللجوء ليه شروط معينة ولو محتاجين تفهموا اللجوء أكتر وتعرفوا شروطه وطرق الحصول عليه احنا كنا عاملين فيديو مهم جداً لو محتاجين تشوفوه ممكن تكتبولي في الكومنتات واجيبهولكم.

طبعاً وجودك في بريطانيا برضو تقدر من خلاله تتجوز وتعمل لم شمل وتقعد في بريطانيا.

يعني من خلال وجودك في حد ذاته في بريطانيا بتتفتحلك كل الأبواب للقعده هناك وده طبعاً الفكره الأساسية من قبولنا بالعقود الموسمية انها تكون زي كوبري لينا عشان نروح بريطانيا وأي دولة تانية.

 

شاهد أيضاً : مقاطعةتيمينز أونتاريو الكندية تفتح ابواب الهجرة وتفتح التوظيف


في ميزة بقى في الفيزا دي مقدمة من الحكومة البريطانية:

إن في الوقت اللي انت شغال فيه تقدر إنك تدرس بالتأشيرة دي وده للناس اللي عايزين مثلاً يدرسوا حاجه معينة مكانوش عارفين يدرسوها في بلدهم.

 

طيب هل ليها عيوب الفيزا دي او خلينا نقول سلبيات مثلاً؟

-      متقدرش وانت شغال العقد الموسمي إنك تشتغل بره بعقد دائم بس تقدر تدور وتظبط شغلانه تنفعك بعدين ودي حاجه عادية.

-         متقتدرش تشتغل اي حاجه في نفس الشركة غير اللي عقدك نص عليه.

-         متقدرش تحصل على مساعدات من الدولة زي اللي بيحصل عليها المواطن.

-         أكثر حاجه انا شايفها عيب بصراحه في الفيزا دي انك متقدرش تصطحب عائلتك معاك.

 

طيب حد يقولي انا ازاي اجيب عقد عمل مع الشركات اللي هتشغلنا عندها

هم طريقتين ملهمش تالت

يا إما يكون ليك حد هناك ويكلملك الشركة اللي عايزة ناس ودي طبعاً من قبل ما تقول انا عارف انها صعبة, عشان كده نشوف البديل بتاعها.

وهو إنك إنت بنفسك وانت في بيتك تشوف الشركات دي وهنا واحد يقول طب انا اجيب الشركات دي منين, انا هسيبلك في صندوق الوصف وأول كومنت كل اللينكات اللي هنتكلم عنها في الفيديو من الموقع الرسمي للحكومة البريطانيا والشركات اللي هتقدر من خلالها تقدم على العقود الموسمية.

 

شاهد أيضاً : خطواتو كيفية الهجرة إلى بريطانيا


طيب هل في شروط للحصول على الفيزا دي

Ø     اول شرط إن عمرك ميكونش أقل من 18 سنة, والميزة بقى إن العمر مفتوح يعني حتى و عمرك 50 أو 55 تقدر تقدم.

Ø     الشرط الثاني إنك تلاقي صاحب عمل يكون ليك زي كفيل ويستقبلك للعمل في بريطانيا وزي ما قلتلك الشركات دي هتلاقيها مع اللينكات اللي هسيبهالك.

Ø     الشرط التالت انك تكون قادر إنك تصرف على نفسك ويكون معاك مبلغ 1,270 جنية إسترليني وده إثبات إنك هتقدر تصرف على نفسك لوقت مؤقت ولازم يكون المبلغ ده موجود في حساب قبل ما تقدم على الفيزا ب 28 يوم.

في ناس معفية من الشرط ده لو صاحب العمل اللي انت رايحله أثبت في العقد إنه هو اللي هيتكفل بمصاريفك اول شهر لغاية ما تقبض, بكده هتكون معفى من شرط كشف الحساب ده.

 

بالنسبة للأوراق المطلوبة منك

1-    أول وأهم حاجه الباسبور بتاعك ويكون ساري لان زي ماقلنا ان بمجرد ان صاحب العمل يبعتلك هيكون قدامك فقط 3 أسابيع وتسافر, يبقى لازم يكون باسبورك جاهز وفيه على الأقل 6 شهور, وممكن يحل محلة إثبات الهوية بتاعتك بس انا من وجهة نظري ان لازم يكون معاك باسبور لو إنت جدي في الموضوع, لإن الهوية دي عشان يعرفوا جنسيتك ومعلوماتك الشخصية إنما أكيد مش هي اللي هتسافر بيها ولا حتى للشارع اللي وراكم.

2-    عقد العمل واللي هيزودك بيه صاحب العمل.

3-    كشف الحساب اللي قلنا عليه لو صاحب العمل مش هيكفلك أول شهر لغاية ماتقبض.

4-    كل الورق يترجم للإنجليزية إلا الباسبور.

 

الفيزا دي بتاخدها من السفارة البريطانية بس التقديم عليها بيكون اونلاين وبتكلفك 259 جنية إسترليني وهسيبلكم برضو لينك التقديم المباشر, والميزة فيها بقى إن الرد بيجيلك بعد 3 أسابيع يعني إن شاء الله بعد 3 أسابيع بتقدر تسافر.

واحد ممكن ييجي يسألني سؤال مهم هل انا بدفع الفلوس قبل كل حاجه ولا ايه النظام.

بالنسبة للمبلغ ده إنت مبتدفعوش في الأول بتدفعه بعد ما بتحصل على عقد العمل اللي بتاخده ودي ميزة لإنك لما بتدفع بتكون عارف إنك بتدفع عشان تسافر مش بتدفع وإنت وحظك يا تاخد الفيزا يا متاخدهاش.

 

لينك الموقع الرسمي للحكومة البريطانية وفيزة العقود الموسمية ( من هنا ) 

لينك الشركات التي ستقدم من خلالها على الوظيفة

اللينك الأول & اللينك الثاني & اللينك الثالث

* لينك التقديم على الفيزا ( من هنا )

  

  _______________________________________


    للإستشارة والتواصل مع وكيل هجرة معتمد من الهجرة الاسترالية Migration Advisor

وكيل هجرة معتمد من الحكومة الاسترالية برقم 1799648

قم بتعبئة بياناتك الصحيحة في نظام الهجرة الذي تبحث عنه وسيتم التواصل معك


Skilled Migration  هجرة الكفاءات والمواهب ( من هنا ) 

           Family Visas

تأشيرات الزواج أو الخطوبه ( من هنا )

          تأشيرات العائلة (الوالدين، لم الشمل، الاطفال، الزياره العائليه) من هنا

Education  الهجرة عن طريق التعليم في استراليا ( من هنا )

Refugees  هجرة اللجوء  ( من هنا )

 


Sponsored by

   


تعليقات
3 تعليقات
إرسال تعليق
  1. اهلا وسهلا بكم السم خليل جدو سعيد في ليبيا هذا رقم الهاتف 002180916770324 أنا أريد الهجرة إلى بريطانيا 🇬🇧🇬🇧 أنا موافق تمام اللمل وشكرا لكم 🙏 هذا البريد الالكتروني [email protected]

    ردحذف
  2. اهلا وسهلا بكم السم خليل جدو سعيد في ليبيا هذا رقم الهاتف 002180916770324 أنا أريد الهجرة إلى بريطانيا 🇬🇧🇬🇧 أنا موافق تمام اللمل وشكرا لكم 🙏🙏 هذا البريد الالكتروني [email protected]

    ردحذف
  3. أهلا وسهلا بكم السم خليل جدو سعيد أنا أريد الهجرة إلى بريطانيا أنا في ليبيا [email protected]

    ردحذف

إرسال تعليق

الاسمبريد إلكترونيرسالة