قرارت جديدة في الهجرة العشوائية الى أمريكا ومعرفة مواعيد المقابلات LOTTERY USA ⭐⭐⭐

    ) بسم الله الرحمن الرحيم  (

من خلال مدونة أحمد كوداك يتناول هذا الموضوع معلومات وقرارت هامة تم طرحها من القنصل الأمريكي قبل إعطاءك الفيزا عند نجاحك في اللوتري, وطريقة معرفة هل رقمك ( كيس نمبر ) موجود في أي شهر من الشهور لعمل المقابلة

اللينكات في آخر الموضوع بالأسفل

معلومات هامة عن الموضوع

- انهاردة عندنا اخبار مهمة للي سجلوا في الهجرة العشوائية, هنعرفك القرارات الجديدة اللي اشترطها القنصل على الناس اللي فازوا بالفعل في اللوتري اللي فات ومنتظرين الفيزا, وليه رفض يديهم الفيزا مع انهم فازوا غير لما يوفروا بعض الاثباتات الاوراق, وطبعا القرار ده هينطبق على اللي هيفوزوا في لوتاري السنادي 2024.

- وكمان النشرة الشهرية اللي بتصدر من موقع إدارة الهجرة الامريكي, واللي بيقولوا فيها ان السفارات هتعمل مقابلات الشهر ده لغاية رقم كام في الكيس نمبر, والكيس نمبر ده اللي هو رقم الفوز بتاعك اللي بتشيك بيه هتعمل مقابلة امتى وهو اللي بيحدد اصلاً هتعمل مقابلة ولا للأسف رقمك ملوش مقابلة.

- لان هم بيحددوا اخر رقم هينفع يتعمل معاه مقابله يعني لو رقمك اللي اختاره ليك الكمبيوتر عشوائي بعد الرقم اللي هم قالو عليه فإنت للأسف ملكش مقابله

- مبدأياً لو انت سعيد الحظ وجالك الكيس نمبر اللي معناه إنك فايز في اللوتري يبقى لازم تدخل كل شهر على موقع إدارة الهجرة الأمريكية عشان تشوف الرقم بتاعك هيعمل مقابلة إمتى بالظبط, لأن كل شهر بينزل نشرة في الموقع بأرقام الكيس نمبر اللي هتعمل مقابلات مع القنصل عشان ياخدوا الفيزا.

إليكم طريقة معرفة أرقامنا في أي شهر

- زي ماهنشوف موقع إدارة الهجرة الأمريكية واللي بتنزل عليه النشرات كل شهر واللي بتقول الشهر ده هيعملوا مقابلات للأرقام المكتوبة.

- هننزل تحت لغاية ما نلاقي نشرة الهجرة العشوائية, زي ماحنا هنشوف هنلاقي الشهور اللي بدأوا يظهروا فيها الأرقام, وهنعرف دلوقتي وضع ارقام الكيس نمبر بتوع شهر مايو و يونيو اللي اتحددوا انهم يعملوا مقابلات وايه هي الارقام اللي اختاروها.

انت لو رقمك ضمن الارقام دي يبقى هتقدر تعمل مقابله في الشهر اللي اتحدد, ده غير ان الموقع ده هتقدر تشيك كل شهر في نشرة الارقام وتعرف رقمك الكيس نمبر هيعمل مقابله امتى

مبدأياً هنلاقي لشهر مايو أفريقيا اللي الكيس نمبر بتاعة لغاية 60 الف مؤهل لعمل المقابلة, وده لكل الدول الأفريقية.

لكن ماعادا بعض الدول ليها أرقام تانية

- زي الجزائر لغاية كيس نمبر 35,900

- مصر لغاية كيس نمبر 18,650

- المغرب لغاية كيس نمبر 45,600

وكل ما زادت الأرقام دي بقت فرصتك أكبر في المقابلة, وده اللي حصل في أرقام شهر يونيو.

بالنسبة لشهر يونيو الأرقام زادت وده مؤشر كويس وزيادة عدد الأرقام معناه زيادة عدد الناس اللي هتعمل مقابلات

-       أرقام أفريقيا زادت بقت لغاية كيس نمبر 63,500 وده لكل الدول الأفريقية ماعادا

-       الجزائر لسه لغاية كيس نمبر 35,900

-       مصر زادت وبقى اللي الكيس نمبر بتاعة لغاية 30000 هيعمل مقابلة

-       والمغرب زادت بقى لغاية كيس نمبر 55000

بالنسبة للقرارات اللي تم تعديلها لبعض الأشخاص

مبدأيا في بعض القرارات اللي اصدرها القنصل للي فازوا اوريدي وعملوا مفابلاتهم لسنة ٢٠٢٣

-       وهي عدم اعطاء الفيزا لعدد من الفيزين لغاية مايقدموا شوية إثباتات

-       واللي من المرجح انه ينطبق على بعض من اللي هتظهر نتيجتهم للوتري السنادي

-       طيب ايه الحجات اللي طلبها منهم حتى بعد ما فزوا واللي بيتوقف عليها اعطاءهم الفيزا.

-       بدأوا في طلب ضمانات تثبت إنهم لما يسافروا مش هيكونوا عبئ على أمريكا زي ما بيعمل الكثير من المهاجرين الجدد.

-       اللي اول ما بيسافروا أمريكا ويحصلوا على الإقامة أو الجرين كارد بيبدأوا يطالبوا الحكومة بمساعدات حتى لو هم مش محتاجين.

-       وده القانون اللي كان هيطبقة دونالد ترامب واللي إسمة public charge لكن جو بايدن مفعلوش.

-       لكن الحكومة بدأت بتطبيقة الفترة دي خصوصاً لزيادة نسبة التحايل من المهاجرين على الحكومة لتمويلهم ومساعدتهم حتى بدون الحاجه ليها.

-       بس في نقطة هنا مش كل الناس هينطلب منهم الضمانات اللي هنقولها دلوقتي يعني لو وظيفتك وحالتك الإجتماعية ودراستك كويسه فهو ضامن إنك هتروح تشتغل على طول وتعتمد على نفسك, إنما هي بتكون مسألة تقديرية من القنصل.

طيب لو القنصل طلب منك ال public charge اللي هي الضمانات مقابل إنه يديلك الفيزا هتكون متمثله في إيه:

-       هيكون مطلوب منك إنك تثبت إنك معاك اللي تقدر تعيش بيه الفترة الأولى من دخولك أمريكا وإنك مش هتبقى عاله على الدولة أول ما تاخد الجرين كارد, وده هيكون متمثل في كشف حساب بنكي وهيكون معاك إحتياط عشان لو إتسألت تكون جاهز بيه مع أوراقك اللي قلنا عليها في الفيديو اللي فات ومعاهم إستمارة ds 260 اللي بتعبيها بعد فوزك, وعمتاً هتلاقي الفيديو في الأخر أو ظاهرلك دلوقتي فوق عشان لو مشوفتوش وتعرف إيه الأوراق المطلوب توفيرها بعد فوزك في اللوتري

-       الحاجة التانية اللي ممكن تنطلب منك هي إن يكون ليك ضامن في أمريكا قادر إنه يتكفل بيك في الفترة الأولى ولازم طبعاً يكون الضامن ده بيقبض كويس وكمان بيسدد الضرايب بتاعته.

-       يعني الضامن ده السنادي مش هو الضامن اللي كانوا بس عايزين عنوانه عشان يتبعت عليه الجرين كارد, لا مطلوب حد يكون بيقبض كويس عشان يقدر يتكفل بيك لما تسافر.

-       يعني بمعنى أصح الناس اللي بتكون عاله على الحكومة حتى لو مش محتاجين خلاص أمريكا زهقت منهم وبدأوا يضروا بالمهاجرين الجدد.

-       لو جالك الكيس نمبر واللي بيقول إنك فزت في اللوتري السنادي متنساش تدخل كل شهر على الموقع اللي هنسيبهولك بتاع هجرة أمريكا عشان تعرف الكيس نمبر بتاعك هيعمل مقابلة في أي وقت من السنة.

هنا هتعرف نجحت في اللوتري ولا لا من خلال الموقع الرسمي للهجرة الأمريكية ( من هنا )

هنا هتعرف الكيس نمبر بتاعك في أي شهر ( من هنا )

فقط قم بتعبئة بياناتك الصحيحة في نظام الهجرة الذي تبحث عنه وسيتم التواصل معك

Skilled Migration  هجرة الكفاءات والمواهب ( من هنا ) 

Family Visas تأشيرات الزواج أو الخطوبه ( من هنا )

تأشيرات العائلة (الوالدين، لم الشمل، الاطفال، الزياره العائليه) من هنا

Education  الهجرة عن طريق التعليم في استراليا ( من هنا )

Refugees  هجرة اللجوء  ( من هنا )

Sponsored by