السؤال
اللي مبيعديش يوم غير وسألت نفسك عنه
اسافر اوروبا ولا الخليج
لو سألتني من ٣ سنين اوروبا وأمريكا والدول الاجنبية بمعنى اصح أفضل ولا الخليج للهجرة والحياة والعمل كنت هديك رد قاطع من غير ما افكر طبعاً الدول الاجنبية, وده فعلاً كان رأيي في الفيديو اللي عملته من ٣ سنين اللي كان بيقارن بين الهجرة والحياة في الدول الاجنبية او الخليج.
لكن فيديو انهارده مختلف تماماً وده لاختلاف الحياة دلوقتي عن ٣ سنين, وبعد التغيرات الكتير االي حصلت في العالم, عشان كده فيديو انهارده مهم جداً لكل الناس اللي محتارة تشوف فرصة سفر لاوروبا ولا تشوف للخليج.
وبما إني روحت الإتنين فده هيكون من وجهة نظري ومن خبرتي, فخلينا ناخد الموضوع بالايجابيات والسلبيات وانت تقرر بنفسك, وأكيد مش كل الناس إختياراتها زي بعض.
✨ اول واهم حاجه عند ناس كتير هي
الجنسية
اوروبا وأمريكا والدول الاجنبية ماكسيمام بتاخد الجنسية بعد ٤ سنين بعد الإقامة الدائمة, وفي دول بتاخد الإقامة الدائمة مباشرة وبتقدم على الجنسية على طول.
✨ الرواتب والحالة المادية
بصو الرواتب دي بتعتمد على الوظيفة, بس الرواتب في الخليج كويسه مقارنة بالوضع العالمي والأسعار, لكن دلوقتي كتوفير مبقاش زي زمان لكن هتعيش حياة حلوة.
بالنسبة بقى للرواتب في اوروبا فهي متوسطة ولا عالية ولا قليلة.
✨ العنصرية
ده موضوع حساس شويه بس السوشيال ميديا هي كفيلة توضح النقطة دي لان زمان مكناش لنعرف ايه بيواجه المهاجرين في اي دولة لكن دلوقتي وانت في بيتك بتكون عارف الدولة دي بتعامل الشخص الغريب ازاي.
لو اتكلمنا عن دول الخليج:
ممكن اقولك فيها بسيط, بس في حجات بتعوضك عن الموضوع ده زي العيشة في بلد مسلمة وعرب حوليك في كل مكان, يعني مبتحسش كتير بالغربة.
انما لو اتكلمنا عن اوروبا:
فهي بتعيش دلوقتي قمة العنصرية على العرب بالذات واحنا في القناة بنجيبلكم الامثلة دي بإستمرار.
✨ الأمان
بالنسبة للخليج فعمرك ماهتسمع عن اي حاجه حصلتلك كعرب, يعني عيالك هيمشوا في الشارع لوحدهم عادي, زوجتك هتمشي بالحجاب عادي, مفيش إضطهاد ليك كعربي او كمسلم
انما بقى حدث ولا حرج في اوروبا
موضوع الامان ده اقدر اقولكم انه معدش موجود اصلا للعرب, شايفين دلوقتي اللي بيحصل في فرنسا ضد العرب والمسلمين والشاب الجزائري اللي خلصت عليه شرطة فرنسا.
فيديو العمل في الإمارات ( من هنا )
الفيديو القديم للمقارنة بين أوروبا والخليج ( من هنا )
فيديو فرنسا ( من هنا )