انهاردة هنتكلم عن فيزا من الفيز اللي كل الناس بتسأل عنها وهي فيزا J1 الأمريكية واللي هي تأشيرة للإقامة في امريكا بصورة قانونية
مقسمة لاقسام كتير ومنهم نوع فيزا مهم جداً وبيعتبر من أسهل الطرق للسفر, وهي فيزا J1 Au Pair
والناس اللي متابعة القناة عندي عارفه اننا نزلنا قبل كده عن فيزا Au pair اللي هي معناها مساعد منزل او مساعد للعائلات في المنزل, لكن احنا كنا نزلنا قبل كده عن Au pair المانيا وكندا لو عايز الفيديوهات بتاعتها عشان تقدم اكتبلي في الكومنتات.
بس احنا كنا اتكلمنا عن فيزة المانيا وكندا من خلال الموقع الرسمي لفيزة Au pair, لكن انهارده هنتكلم عن الفيزا دي من الموقع الرسمي للهجرة الأمريكية واللي بتندرج تحت فيزا J1
طيب ليه العائلات متجيبش حد من اللي عايشين في امريكا وخلاص بدل ما لسه يشوفوا حد من بره امريكا ولسه هييجي عن طريق فيزا معينة وهيوفروله سكن واكل وراتب وده كله.
لان اللي عايشين جوه امريكا بياخدوا مرتبات اعلى بكتير لو جم حسبوها, يعني بالنسبالهم احنا اللي بره امريكا اوفرلهم بكتير, ده غير ان الموضوع ده في حد ذاته مصلحة لينا لان زي ماهو عايزين حد بياخد راتب أقل من اللي في امريكا, احنا كمان عايزين طريقة سهلة وقانونية نروح بيها امريكا ونشتغل كمان على طول وكمان نلاقي مكان نسكن وناكل فيه ببلاش ومش بس كده لا كمان تذكرة السفر بتكون عليهم ده غير ان رسوم الفيزا بتكون على حساب العائلة وكمان من ضمن المزايا دي انهم كمان مش طالبين منك شهادة ايلتس اللي تاعبه كل الناس.
بتشتغل 5 ايام في الاسبوع والمدة اللي بتقعدها معاهم 12 شهر مع إمكانية زيادتها لمدة 6 أو 9 أو 12 شهر كمان.
الميزة بقى ان طول مانت قاعد في امريكا في الفتره دي بتقدر تدور على فرص تانيه بحيث انك لما تخلص فترة الشغل تقدر تكمل قعدتك هناك, زي مثلاً انك تحول الفيزا لدراسة او لم شمل عن طريق الزواج من امريكية او انك تعمل لجوء وبكده عندك فرص كتير قدامك اكتر من انك تكون قاعد في بلدك.
طيب واحد يقولي مثلاً إفرض انا ليا حد هناك في امريكا هل اقدر اجي عن طريقة بالفيزا ده?
الموضوع ده ممكن تعملوه بس بطريقة واحده, إن هو يعمل اكونت على الموقع زيه زي اي حد غريب عادي بيعمل اكونت وطالب حد عن طريق الموقع, وإنت بتدخل عادي بكل بساطه ويكون معاك الاكونت بتاعه وتعبي الأبلكيشن اكنك بتقدم مع حد متعرفوش, وبيتم الإتفاق على كافة التفاصيل وبتروح بالفيزا دي عادي, وبعد ما بيبعتلك دعوة العامل المنزلي بتاخدها وتروح السفارة تقدم على فيزة J1 بالدعوة دي.
طيب واحد بقى يسألني بنسجل ازاي او بنلاقي ازاي العائلات دي؟
هتلاقيني سايبلك الموقع الرسمي للحكومة الأمريكية اللي من خلاله بتلاقي كل تفاصيل فيزة J1 وكمان هتلاقي موقع التقديم على Au Pair بتدخل عليه بتلاقي الفرص كلها, بتدخل على كل فرصة هتلاقيها فاتحالك موقع ومن خلال الموقع ده بتسجل وبتلاقي العائلات وتتواصل معاهم بكل بساطة وهتلاقي ان كل الدول العربية تقدر تقدم في الموقع عادي.
او ممكن تدخل على موقع Au pair نفسة اللي هتلاقي فيه فرص تانيه وتقدر تقدم عليها برضو.
خلينا ندخل نجرب طرق التقديم من موقع الحكومة الأمريكية وموقع Au Pair
التقديم على فيزاAu Pair وإختيار العائلات من المكان اللي في موقع الحكومة ( من هنا )
التقديم على فيزا Au Pair من موقع Au Pair ( من هنا )
معلومات فيزا J1 من الموقع الرسمي للحكومة الأمريكية ( من هنا )
كل أنواع فيزا J1( من هنا )
معلومات وشروط فيزا Au pair( من هنا )
_____________________________________