) بسم الله الرحمن الرحيم (
من خلال مدونة أحمد كوداك يتناول هذا الموضوع طرق السفر الى أجمل الجزر بالعالم وهي جزر سيشل بدون تأشيرة.
دولة سيشل هي دولة صغيرة وعدد سكانها 100000 نسمة فقط وعاصمتها فكتوريا وتعتبر هي أصغر دولة في أفريقيا وموجودة في المحيط الهندي, بس ميزتها ان تأشيرتها بتاخدها عند الوصول في المطار واللي يشبهلها جزر موريشيوس وجزر القمر المعروفه طبعاً واللغات اللي بتتعامل بيها هناك هي الإنجليزية والفرنسية.
فيديو ومعلومات الجزر
سيشل يا جماعه مش دولة تخطط انك تاخد الجنسية بتاعتها لانها مفيهاش فرص عمل او باصبور يخليك تدخل الدول اللي بتحلم انك تدخلها, بس اقدر اقولك انك لو بتخطط انك تروح سياحة لأي سبب احب اقولك إنك هتروح دولة من أجمل الدول اللي روحتها او بتحلم إنك تروحها.
ليه هي بتعتبر من اجمل الأماكن اللي تروحها, لان الجزر دي يا جماعه ليها بحر جميل جداً زيها زي جزر المالديف وشواطئ كرستالية بس الميزه إنها أرخص منها, يعني اكنك روحت المالديف بس بدون تعب في التأشيرة وكمان أرخص.
بس ده ميمنعش انها غالية شويه بس كتجربة سياحة او كشهر عسل ارشحها لأي حد بيدور على سياحة في دولة جميلة,أرخص فندق ممكن يكلفك 600$.
طب إفرض واحد عنده حب استطلاع وعايز يعرف الناس بتاخد الجنسية بتاعتها ازاي, عشان تاخد جنسيتها بيكون عن طريق الإستثمار وهو معظمة لرجال الأعمال لانه بيكون بمبلغ كبيرة طبعاً لانك كمستثمر هتخطط إن يكون ليك مشورع يساعد على تطور الجزر وزيادة السياحة ليها وبالتالي بتنجح برضو في مشروعك اللى دفعت فيه فلوس, وبعد ما بتستثمر في البلد بتاخد الجنسية بعد 5 سنين من إقامتك هناك.
الدخل الرئيسي للدولة هو السياحة وكمان صيد الأسماك وكمان بتشتهر بزراعة جوز الهندا اللي هو بيعتبر واحد من أجود انواع جوز الهند في العالم.
جزر سيشل يا جماعه هو إختيار مناسب لكل الناس اللي بتفكر في السياحة عمتاً وانا برشحها لكل الناس وتقدروا تقروا عنها أكثر برضو وتعرفوا تفاصيل تانيه عنها لو مهتمين بالسفر ليها كسياحة.
أفضل فنادق في الجزيرة
https://www.agoda.com/city/seychelles-islands-sc.html?cid=1844104
أفضل منتجعات في الجزيرة
https://www.booking.com/resorts/country/sc.ar.html